Prezident İlham Əliyevin yeni Sərəncamına əsasən, İkinci Dünya müharibəsinin iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım veriləcək.
Əmək və Əhalinin Sosial Müdafiəsi Nazirliyindən Ednews-a verilən məlumata görə, Sərəncam ümumilikdə 3 minə yaxın şəxsə şamil olunacaq:
“Onlardan 30-u İkinci Dünya müharibəsinin iştirakçısıdır”.
Xatırladaq ki, Sərəncamın icrası üçün 2024-cü il dövlət büdcəsində nəzərdə tutulmuş Azərbaycan Prezidentinin ehtiyat fondundan 3 milyon manat vəsait ayrılacaq.