Fransa xarici işlər naziri Stefan Sejourne cümə günü dərc olunan müsahibəsində Moskvanın Ukraynaya hücumu zamanı 150 min rus əsgərinin həlak olduğunu təxmin edib.

Ednews KyivPost news-a istinadən xəbər verirki, Sejourne bəyan edib ki, Paris müharibənin əvvəlindən indiyə qədər üçüncü ildir ki, yaralılar da daxil olmaqla, rusların ümumi itkilərini 500 min olaraq qiymətləndirib. "Avropa və onun tərəfdaşları nə qədər lazımdırsa, vahid və qətiyyətli qalacaqlar. Rusiyanın hərbi geriləməsi artıq göz qabağındadır. Biz Rusiyanın hərbi itkilərini 500 min, o cümlədən 150 mini ölüm hesab edirik", - o deyib.   

Həmçinin Ukrayna prezidenti Vladimir Zelenski fevral ayında müharibədə 180 min rus əsgərinin öldürüldüyünü iddia etmişdi. Britaniyanın hesablamalarına görə, Ukraynada təxminən 450.000 rus öldürülüb və ya yaralanıb. Rusiyanın Avropa Birliyində dondurulmuş aktivlərini müzakirə edən Sejourne bu vəsaitlərin Ukraynanın işğala qarşı müdafiəsini maliyyələşdirmək üçün istifadə oluna biləcəyini bir daha təsdiqlədi, lakin konkret məlumat vermədi.

Nahid