Qazaxıstan və Özbəkistanın ardınca Qırğızıstan prezidenti də ölkəmizə gəldi. Tacikistan lideri isə mayda səfər edəcək. Orta Asiya ölkələri liderlərinin Azərbaycana səfərini necə şərh etmək olar?
Bu barədə Ednews-a açıqlaması zamanı Azad Vətən Partiyasının sədri Akif Nağı bildirdi ki, dünyada qüvvələr nisbəti dəyişir. Yeni güc mərkəzləri meydana gəlir:
“Rusiya öz mövqeyini itirir. Rusiya Çinin yanında yer almaq məcburiyyətindədir. Amerika da əvvəlki kimi güclü deyil, o cümlədən hər yerdə dırnaq arası maraqlarını müdafiə etmək iqtidarında da deyil. Amerikanın Avropa da mövqeyi zəyifləyir. Turan dünyası yeni güc mərkəzi olaraq meydana gəlir. Azərbaycan və Türkiyənin nümunəsini digər türk dövlətləri də gördülər ki, bir araya gəlmək bütün cəhətlərdən onların hər birinin maraqlarına cavab verir. Birdən-birə bu proses sürətlə getdi. Xeyli vaxt tərəddüd edirdilər, amma hiss olunur ki, son 1 il ərzində bəlkə də həddindən artıq sürətlə gedir proseslər. Burda həm türk özünü dərk prosesi gedir, eyni zamanda siyasi-iqtisadi-hərbi maraqlar var. Türk dövlətləri birliyi formalaşır. İdeoloji olaraq isə Turan ideyası daha əhəmiyyətlidir”.
Oğuz
