Putin və Ərdoğan Soçidə: - Dağlıq Qarabağ münaqişəsinin həlli qarşılığında Suriyada türk muxtariyyəti | Eurasia Diary - ednews.net

24 Oktyabr, Çərşənbə


Putin və Ərdoğan Soçidə: - Dağlıq Qarabağ münaqişəsinin həlli qarşılığında Suriyada türk muxtariyyəti

Analitik Mərkəz A- A A+

Dünən Soçidə Rusiya və Türkiyə prezidentləri arasındakı danışıqlar təxminən 4,5 saat davam etdi.

İki prezidentin görüşünü Eurasia Diary-ə şərh edən Rusiyalı tarixçi Oleq Kuznetsov Suriyada mümkün türk muxtariyyəti müqabilində Ərdoğanın Putindən Dağlıq Qarabağ məsələsinin həllini tələb edəcəyi kimi maraqlı bir fikir irəli sürüb.

Ekspert qeyd edib ki, dünənki görüşün əsas mövzuları Suriya və Dağlıq Qarabağ münaqişəsinin həlli məsələləri olub. Bundan başqa, o, bu iki böhranların Türkiyə və Rusiya dialoqunda Azərbaycana münasibətdə müttəfiq öhdəlikləri və onların geosiyasi maraqları baxımından bir-birinə bağlı olduğunu deyib.

Oleq Kuznetsov Suriya məsələsində Türkiyə üçün kompromis və ya güzəştlər barədə məsələ qaldırılanda onun, Qarabağ məsələsində Rusiyadan güzəştlər tələb edəcəyinə heç bir şübhə olmadığını qeyd edib.

Suriya məsələsinə gəldikdə, Türkiyə Suriyanın şimal əyalətlərində, əsasən İdlibdə yaşayan türk əhalisinin maraqlarını müdafiə edir. Digər tərəfdən, Rusiya Suriyanın ərazi bütövlüyünü qorunmasında maraqlıdır. Belə ki, yalnız bu vəziyyət onun bu ölkədə tam hökmranlığını təmin edir. Və iki ölkə məhz bu çərçivədə kompomis axtarmalıdır. Hər halda, Suriyada Rusiya ilə Türkiyə arasında açıq hərbi münaqişə gözlənilmir, buna görə maraqların toqquşmasına dair məsələni qaldırmaq mümkündür.

Hesab etmirəm ki, Suriyada əvvəl olduğu kimi unitar dövlət quruluşu olacaq. O birmənalı olaraq federasiyalara bölünəcək. Suriya məsələsinin həlli ilə bağlı Rusiyanın mövqeyi belədir. Suriyada türk muxtariyyəti qarşılığında Ərdoğan Putindən Dağlıq Qarabağ məsələsinin həllini tələb edəcək".

Oleq Kuznetsov hesab edir ki, Ərdoğan və Putinin görüşündə iqtisadi və humanitar məsələlər gündəmdədir. Onun sözlərinə görə, bu məsələlərə az vaxt ayrılıb, çünki bu məsələlərdə heç bir fikir ayrılığı yoxdur.

Sonda Oleq Kuznetsov iki ölkə arasındakı əlaqələrin tarixinə toxunub. Onun sözlərinə görə, Rusiya və Türkiyə həmişə Balkanlarda, Qara dənizdə və Qafqazda geosiyasi rəqiblər olub.

"Buna 2012-ci ildə İstanbulda keçirilən geniş elmi konfransda son qoyuldu. Rusiyanın Federasiyasının Rusiya imperiyası, Türkiyə Respublikasının isə çoxdandır ki, Osmanlı imperiyası olmadığı bəyan olundu. Beləliklə, Rusiya və Türkiyə artıq geosiyasi rəqib deyillər. Ölkələr eyni coğrafi bölgədə yerləşir və əməkdaşlığı inkişaf etdirməlidirlər və bu, bizim xalqlarımıza fayda verəcək".

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...