Meksikanın Azərbaycandakı Səfirliyi, Landmark Cinema ilə əməkdaşlıq əsasında, meksikalı rejissor Alfonso Kuaronun “Roma” filmini təqdim etdi. “Roma” filmi kinematoqrafiya üzrə müxtəlif mükafatları, eyni zamanda Ən Yaxşı Xarici Film, Ən Yaxşı Rejissor və Ən Yaxşı Fotoqrafiya nominasiyaları üzrə üç Oskar mükafatını qazanaraq dünya şöhtərini əldə etmişdir. Tədbirə gələn Bakı tamaşacısı 70-ci illərin Mexiko şəhərinin həyat və abu-havasını canlandıran bu bədii filmdən zövq ala bildi.
Qeyd etmək lazımdır ki, “Roma” filminin premyerası Venesiya Beynəlxalq Film Festivalı çərçivəsində 30 avqust 2018-ci il tarixində keçirilmişdir. Orada, film Qızıl Şir mükafatına layiq görüldü. Alfonso Kuaronun qələbəsi ilə meksikalı rejissorların uğuru bir daha təsdiqlənmişdi: son 6 il ərzində Akademiyada seçilmiş ən yaxşı rejissorlardan beşi meksikalıdır. Alfonso Kuaronla birgə Alexandro Qonzalez İnyarritu və Qiyermo del Toro kimi digər meksikalı rejissorlar müxtəlif kateqoriyalar üzrə Akademiyanın Oskarı daxil olmaqla, beynəlxalq mükafatlara layiq görülmüşdür.