Mərkəzi Bank valyuta ehtiyatlarını 300 milyon dollara qədər artırıb.
Eurasia Diary xəbər verir ki. bunu bu gün keçirdiyi mətbuat konfransında Mərkəzi bankın sədri Elman Rüstəmov deyib.
O bildirib ki, bu, 5 faiz artım deməkdir:
“Aprel və iyun aylarında qonşularımızın milli valyutasında dəyişiklik oldu və bu, manata həm də psixoloji təsir edirdi. Mən o zaman da dedim ki, bunun heç bir iqtisadi səbəbi yoxdur. Doğrudan da bu, o ölkələrdəki daxili siyasi faktorlar ilə bağlıdır”.
Baş bankir qeyd edib ki, Mərkəzi Bankın valyuta bazarında apardığı qətiyyətli siyasət nəticəsində bu psixoloji təzyiqlər aradan qaldırılıb: “Biz valyuta qıtlığını aradan qaldırmaqla tarazlığı təmin etdik”.
E.Rüstəmov bildirib ki, nakroiqtisadi vəziyyət sabitdir, ehtiyatlar kifayət qədərdir və belə bir vəziyyətdə manatın ucuzlaşacağı barədə yayılan məlumatların heç bir əsası yoxdur.
