Bəzi insanlar hətta gecələr normal yuxu yatsalar belə, gün ərzində yorğun görünürlər, iş yerində, nəqliyyatda və s. yuxulayırlar. Belə insanlar böyük ehtimalla narkolepsiya xəstəliyinə tutulublar.

Narkolepsiya

Bu xəstəliyə tutulan insanlar çox vaxt uyğun olmayan yerlərdə, hətta özləri də fərqinə varmadan yuxuya gedirlər. Bu hadisə gün ərzində bir neçə dəfə təkrarlanır. İnsanlar bu yuxu sonrası özünü yaxşı hiss edir, yatıb doyduğunu düşünür. Amma bir neçə saat sonra yenidən onu yuxu aparır. Bəzi insanlar gecə yatdığı vaxt da tez-tez oyanır.

Narkolepsiyanın yaratdığı problemlər:

Katapleksiya - bu halda əzələlər funksiyasını itirir, insanın danışığı başadüşülmür, boyun və dizlərdəki əzələlərin boşalması nəticəsində insan ayaqüstə dura bilmir. Bu hal ürəkdən gülmə, əsəbiləşmə, qəflətən qorxma və ya həyəcanlanma zamanı meydana gəlir. Bu vəziyyət bir neçə saniyədən bir neçə dəqiqəyədək davam edə bilir.

Qarabasma - bu halda insan qorxuulu yuxular görür, yuxuya getdikdə və oyanmağa yaxın vaxtlarda bu daha tez-tez baş verir.(deyerler.org)