Finlərin əksəriyyəti qış vaxtı rejimində həmişəlik qalmaq istəyir | Eurasia Diary - ednews.net

21 Noyabr, Çərşənbə


Finlərin əksəriyyəti qış vaxtı rejimində həmişəlik qalmaq istəyir

Maraqlı A- A A+

Finlandiyada Avropa İttifaqının saatların çəkilməsindən imtina etmək qərarı ilə əlaqədar səsvermə keçirilib. Səsvermənin məqsədi hansı vaxta (qış yoxsa yay vaxtına) keçidi saxlamağı müəyyən etməkdir.

Eurasia Diary AZƏRTAC-a istinadən xəbər verir ki, Finlandiya Nəqliyyat və Kommunikasiyalar Nazirliyinin sifarişi ilə onlayn-platformada aparılan sorğunun nəticələri respondentlərin 52 faizinin qış vaxtını, 48 faizinin isə yay vaxtını üstün tutduqlarını göstərib.

Hər iki nəfərdən biri Skandinaviya ilə Avropa arasında vaxt fərqinin 1 saatdan çox olmamasını arzulayıb.

Sentyabrın 26-dan oktyabrın 12-dək aparılan elektron sorğuda 677 min nəfər iştirak edib.

Paralel olaraq keçirilən canlı sosial sorğunun nəticələri birinci sorğu ilə oxşar olub. Həmçinin məlum olub ki, respondentlərin 87 faizi saat əqrəblərinin çəkilməsindən imtinanı dəstəkləyib, əleyhinə isə 6 faiz çıxış edib. 47 faiz qış vaxtına keçidə, 39 faiz yay vaxtına keçidə səs verib, qalan 14 faiz isə öz mövqeyini müəyyənləşdirə bilməyib.

Finlandiya ilin 7 ayını yay vaxtında, 5 ayını isə qış rejimində yaşayır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...