Ümumdünya Səhiyyə Təşkilatının məlumatına görə, adambaşına ən çox spirtli içki qəbul edən 10 ölkədən 9-u Avropa qitəsində yerləşir. Bəs, ən çox spirtli içki qəbul edən 10 ölkənin siyahısında kimlərdir?
Reytinqdə birinci yerdə adambaşına illik 14,3 litr spirt istehlakı ilə Çexiya gəlir .
Adambaşına ən çox spirtli içki qəbul edən 10 ölkə bunlardır:
10 - Lüksemburq
Lüksemburq Avropanın ən kiçik ölkələrindən biridir. Digər tərəfdən, bu, dünyada ən çox spirtli içki qəbul edən onuncu ölkədir.
9 - Bolqarıstan
Bolqarıstan şərab və pivənin restoran və kafelərin vazkeçilməz elementləri arasında yer aldığı ölkələrdən biridir. Balkanlarda məşhur olan meyvə konyaklarının ümumi adı olan Rakija Bolqarıstanda da sevilir.
8 - Uqanda
Uqanda Avropadan kənarda ən çox spirt istehlak edən 10 ölkə siyahısına daxil edilən yeganə ölkədir. Darı və qarğıdalıdan hazırlanan malva və sorqodan hazırlanan bushera ölkədə ən məşhur spirtli içkilərdəndir.
7 - İspaniya
İspaniya Avropada Fransa və İtaliyadan sonra üçüncü ən böyük şərab istehsalçısıdır. Təbii ki, şərab İspaniyada pivə ilə birlikdə ən məşhur iki içkidən biridir.
6 - İrlandiya
Adambaşına illik spirt istehlakının 12,75 litr olduğu İrlandiya, ən çox spirtli içki qəbul edən ölkələr siyahısında altıncı yerdədir.
5 - Litva
Litva ən çox spirt istehlak edən beşinci ölkədir. Adambaşına illik spirt istehlakının 12,78 litr olduğu ölkənin ən məşhur spirtli içkisi pivədir.
4 - Almaniya
Bavariyanın Münhen şəhərində hər il keçirilən Oktoberfest sayəsində minlərlə insan bir araya gələrək keyfiyyətli pivədən həzz alır. Ümumdünya Səhiyyə Təşkilatının məlumatına görə, orta hesabla bir alman hər il 12,79 litr spirt istehlak edir.
3 - Moldova
Moldova spirt istehlakının son dərəcə populyar olduğu bir coğrafiyadır. Adambaşına düşən təmiz spirt istehlakının illik miqdarı 12,85 litrdir.
2 - Latviya
Ümumdünya Səhiyyə Təşkilatının məlumatlarına görə, Latviya vətəndaşı ildə 13,19 litr spirt istehlak edir. Bununla da Latviya ən çox spirtli içki qəbul edən ölkələr siyahısında ikinci yerdədir.
1 - Çexiya
Avropa adambaşına alkoqol istehlakının ən yüksək olduğu qitədir. Bu sahədə zirvədə olan ölkə Çexiyadır. Çexiya ən çox spirt istehlak edən ölkələrin siyahısında birinci yerdədir. Ümumdünya Səhiyyə Təşkilatının məlumatlarına görə, Çexiyada adambaşına illik spirt istehlakı 14,3 litrdir.
Xəyal Ramiz