İfası ilə Türkiyəni silkələyən Azərbaycanlı mühəndis qız Alenya Tilki mənə yazdı ki...

Müsahibələr 12:30 04.05.2018

Murad Göğebakanın “Ay yüzlüm” mahnısına yeni nəfəs verən Nahidə Babaşlı bu ifa sayəsində qısa müddətdə instaqramda böyük populyarlıq qazandı. Klassik gitarası ilə hər kəsin ürəyinə yol tapan musiqiləri səsləndirən gəncin səs-sorağı hətta Türkiyənin ən nüfuzlu xəbər portallarından gəldi. N.Babaşlıya uğur gətirən “Ay yüzlüm” mahnısının izlənmə sayı təkcə onun şəxsi yutub kanalında 3 milyona çatmaq üzrədir.

Publika.az-ın əməkdaşı bu məlahətli səsin sahibilə söhbətləşib onun gələcək planları, həyata keçirmək istədiyi arzuları və hədəfləri haqqında danışıb.

- İfaları ilə ruhumuza terapiya təsiri göstərən Nahidə Babaşlını yaxından tanımaq istərdik...

- 22 yaşım var, Zərdab rayonunda anadan olmuşam, evin sonbeşiyiyəm. Hazırda ailəmlə birlikdə Bakıda yaşayıram. 4-cü kurs tələbəsiyəm, Bakı Dövlət Universitetində Fizika Mühəndisliyi ixtisası üzrə təhsil alıram.

- Maraqlıdır: fizika, musiqi və gitara...

- Bir-biri ilə əlaqəsi olmayan sahələrdir. Təhsil aldığım ixtisası ailəm seçib, musiqi isə öz seçimimdir. Atam həmişə çalışıb ki, övladları ali təhsilli olsun. O deyir ki, istədiyin peşədə çalışa bilərsən, buna icazə verirəm, amma əlində başqa diplomun da olmalıdır. Onun ürəyini qırmamaq üçün hazırlaşdım və universitetə girdim. Həvəssiz olduğuma görə bir qədər çətin oldu. Fizika mühəndisliyinə indi də marağım yoxdur. Artıq bitirmək üzrəyəm, dövlət imtahanı və təcrübə dərsləri qalıb.

- Universiteti bitirdikdən sonra nə işlə məşğul olacaqsınız?

- Musiqi təhsili almağı düşünürəm. Bu sahədə nə qədər irəli getsəm də, təhsil çox önəmlidir. Elə ifaçılar var ki, səsləri yoxdur, amma təhsilləri var. Sənin isə səsin var, amma təhsilin yoxdur. Hiss edirsən, təhsili olan səndən daha çox bilir, ona görə də seçilir. Peşəkar olmaq istəyirsənsə, həm səsin, həm də təhsilin olmalıdır. Özümü müğənni hesab etmirəm, sadəcə koverlər hazırlayıram.

- Musiqini sevdiyinizi nə zaman anladınız?

- Özümü dərk etməyə başlayandan, elə fizikanı seçəndə də musiqini sevirdim. Bu sənətə olan eşqimi davam etdirmək üçün gitarada ifa etməyi öyrənməyə qərar verdim. Əvvəllər gitaraçılara həsədlə baxırdım. Bir neçə ay gitara kursuna yazıldım, sonra isə özüm fərdi şəkildə davam etdirdim.

- Azərbaycanda xanım gitaraçılar demək olar ki, tanınmır. Siz istisna olmağı bacarmısınız...

- Oğlanlar üçün gitarada ifa etmək çətin deyil. Qızların barmaqları incədir, təbii ki, barmaq əzələlərinin gücü oğlanlara nisbətən zəifdir. Barmaqlarım ağrıdan sızlasa da, gündə yeddi-səkkiz saat dayanmadan gitarada məşq edirdim. Hətta bəzən barmaqlarım qan və yara içində olurdu. Gitaraya maraq göstərən qızlar həddən artıq çoxdur, amma dözümü olub öyrənən azdır. Yeri gəlmişkən, gitarada ifa etməyi sınıq bir alətin üzərində öyrənmişəm. Amma heç vaxt həvəsdən düşmədim, tələbə təqaüdümü yığıb özümə gitara aldım. Göstərdiyim əzmkarlığa özüm də təəccübləndim, çünki emosional insanam, çox səbirsizəm. Musiqiyə olan məhəbbətim səbirli olmağı öyrətdi.

- Tənqid edənlər olur?

- Hər kəs səni sevə bilməz, yaxşı da olsan, haqqında həmişə həm müsbət, həm də mənfi fikirlər səsləndirən olacaq.

- Bu yolda sənə kim dəstək olur?

- Dayağım atamdır, həmişə arxamda durur. Bir neçə televiziya verilişindən və məclislərdən təkliflər gəlir, amma getmirəm.

- Nə yaxşı bizimlə söhbət etməyə razı oldunuz?

- Səsiniz ürəyimə yatdı (gülürük).

- Atanız sizə daha hansı məhdudiyyətlər qoyub?

- Bütüm işlərimə o, nəzarət edir. Tanımadığın adamdansa, yanında yaxın birinin olması daha yaxşıdır. Çünki özünü rahat hiss edirsən. Əlbəttə ki, qadağalar qoyub, mənim üçün nəyin yaxşı olduğunu bilir, xüsusilə qızlar atalarına çox bağlıdır. Onun hər məsləhətinə əməl edirəm, özü də dünya görmüş adamdır, həyat təcrübəsi böyükdür. Bu sənətə nə qədər yaxın olsam da, atam mənə bir addım kənarda dayanmağı öyrədir. Şou-biznesə bulaşmıram, ehtiyatlı davranıram.

- Bu sənətdən hələ ki, qazanc əldə etməmisiniz?

- Yox, restoranlarda çıxış etmirəm.

- İnstaqramda kifayət qədər məşhursunuz.

- Səhifəmi açanda 100 izləyicim var idi, video yükləməyə başlayandan sonra sayı artdı. İlk dəfə Elvin Mirzazadənin “Gəl” mahnısını oxumuşdum. Əslində mənə uğur gətirən elə bu mahnı oldu. İnstaqram səhifəsinin reklamı üçün müəyyən məbləğdə pul qoymalısan, mən isə istədim ki, izləyicilərin sayını öz zəhmətimlə artırım. Yavaş-yavaş videolar məndən qeyri-ixtiyarı şəkildə yayıldı.

- Koverlərinin çoxu türk dilindədir.

- Hamımız bir millətik, həm öz, həm də türk mahnılarının kover versiyasını oxumağı sevirəm. Çalışıram ki, hissimi verə biləcəyim mahnılar oxuyum. İsbat etmək istəyirəm ki, qışqırmadan, səsinin zilini nümayiş etdirmədən və boğazda damarların çıxmadan da dinləyicilərinə müəyyən emosiyalar ötürmək mümkündür. Heç vaxt çox güclü səsim olduğunu iddia etməmişəm.

- Hədəflərindən danışaq...

- “O Səs Türkiyə”yə qatılmaq istəyirəm.

- Əvvəllər müğənnilər “Eurovision”a qatılmağa can atırdı, indi isə “O Səs Türkiyə” dəbdədir.

- “Eurovision” səhnəsi daha böyük məsuliyyətdir, ora üçün özümü hazır hesab etmirəm. “O Səs Türkiyə”yə qatılmaqda məqsədim tanınmaq deyil. Bu, sadəcə arzudur, instaqramda məşhurlaşmazdan əvvəl də xəyalım olub. Seçilməyimin və ya seçilməməyimin əhəmiyyəti yoxdur, əsas odur ki, o səhnədə oxuya bilim.

Azərbaycanda baş tutan seçimlərdə seçilmək müşkül məsələdir. 500-600 nəfər arasından 5-6 nəfər seçirlər. Nəticədə vokalistlərin yanında seçilmək şansın aşağı düşür. Universiteti və dövlət imtahanlarımı bitirdikdən sonra bütün qüvvəmi bu mahnı yarışması üçün səfərbər edəcəyəm. Müsabiqənin növbəti mövsümünə qatılmaq üçün əlimdən gələni etməyə hazıram.

Bəzənib-düzənib, uzun donlar geyinib məclislərdə oxumaq və bütün həyatımı belə yaşamaq fikrim yoxdur. Həm ölkəmdə, həm də kənarda vətənimi təmsil etmək istərdim. Bunun üçün dayanmadan üzərimdə çalışıram.

- “O Səs Türkiyə”yə gedən bəzi həmyerlilərimiz şikayət edir ki, onlara qarşı bir qədər laqeyd münasibət sərgilənir...

- Normal haldır, burada qəribə nəsə olduğunu zənn etmirəm. Reallıq odur ki, bu müsabiqəni onlar təşkil edir. Odur ki, onların qalibin türk olmasını istəmələrini anlamağa çalışmalıyıq.

- Türkiyədən əməkdaşlıq üçün təkliflər gəlib?

- Musiqi şirkətlərindən dəvətlər gəlib, hətta klip çəkmək istəyirlər. Bu yaxınlarda getməyi düşünmürəm.

- Əgər çıxışınız uğurlu alınarsa və münsiflərin 4-ü də dönərsə, kimi seçərdiniz?

- Gökhan Özoğuzdan dərs almaq və onun məsləhətlərini eşitmək istərdim.

- Sadə, səmimi, mehriban və gözəl xanımsınız. Parlaq ulduz olmaq üçün bütün bunlar kifayət edir? Ümumiyyətlə, sadələyinizdən sui-istifadə edənlər olub?

- Dinləyicilər üçün ilk növbədə oxuduğum mahnılar maraqlı olmalıdır, şəxsi keyfiyyətlərim yox. O şəraiti yaratmıram ki, kimsə sadəliyimdən istifadə etsin. Hər kəsə və hamıya qarşı səmimi və mehriban deyiləm, lazım olanda ciddi və sərt tərəflərimi də göstərməyi bacarıram. Qoymuram ki, kimsə sərhədi keçsin.

- Məşhur olmağa hazırsınız?

- Öyrəşməmişəm, metroya və avtobusa minəndə kənardan qəribə baxışları üzərimdə hiss edirəm. Tanıyan olanda utanıb qızarıram. Başqalarından fərqli olduğumu düşünmürəm, mən də bu millətin qızıyam, adi insanam. Məşhurluq havasına girib ulduzluq xəstəliyinə tutulmaq kimi fikrim yoxdur, həmişə belə sadə qalmaq istəyirəm.

- Səsinizdəki məlahət və yanğının mənbəyi nədir?

- İnstaqram səhifəmdə iki-üç oynaq mahnı var, qalanı lirikdir. Qəmgin mahnılar insanların ürəyinə daha tez yol tapır. Başqa mənbəyi yoxdur.

- Yaşamadığınız hissləri ötürməyi necə bacarırsınız?

- Həssas insanam, bunun üçün hadisəni yox, mahnını yaşamaq lazımdır. Dediyinizi bacarıramsa, nə xoş mənə. “Nə güclü səsi var” eşitməkdənsə, insanların “Səsi mənə toxunur”, deməsi daha dəyərlidir.

- Duet təklifləri gəlir?

- Çox gəlir, onlar arasında kifayət qədər tanınan və sevilən sənətçilər də var. Hələ ki, duet fikirləşmirəm, dediyim kimi, qarşıma məqsəd qoymuşam ki, öz zəhmətimin hesabına yüksəlim. Onsuz da müəyyən zaman keçdikdən sonra duetlər olur, tələsmirəm. Amma müəyyən yerə qədər tək irəliləmək istəyirəm.

- Azərbaycanda qızların çoxu universiteti bitirən kimi ailə qurur. Siz necə, ailə qurmağı düşünürsünüz?

- Bəli, əvvəllər siz dediyiniz kimi idi. İndi zəmanə dəyişib, karyera sahibi olduqdan sonra ailə quran xanımların sayı artıb. Ailə qurmaq sənətdə irəliləməyə mane olmamalıdır, sadəcə bizim mentalitetimiz bir qədər mühafizəkardır.

Yaxın gələcəkdə belə planım yoxdur, həm də düşünürəm ki, evlilik qismət işidir. Taleyimə nə yazılıbsa, o da olacaq.

- Ailə və sənət arasında seçim etməyə məcbur qalsanız qərarınız nə olar?

- Ailə quracağım insan dəstək olmağa çalışsa, daha yaxşı olar. Ailəni heç kim və heç nə əvəz edə bilməz. Əlbəttə ki, ailəni seçərəm. Ona qədər qarşıma qoyduğum hədəflərə nail olmaq istəyirəm ki, sonradan problem yaranmasın.

- Türkiyənin ən nüfuzlu media orqanlarının manşetlərini bəzədiniz. Bu, bizim üçün də qürurverici oldu...

- Bu mahnını çox sevirəm, Murad Göğebakanın səsi əvəzedilməzdir. Videonu paylaşan kimi türk və bizim səhifələrimiz də yaymağa başladı. Çoxlu rəylər və mesajlar gəldi. Yeni nəfəs verdiyim mahnı mən tərəfdən çox sevildi, yutub kanalımda 4 gün ərzində 1 milyon baxış sayı gəldi. Bütün bunlar mənim üçün gözlənilməz oldu, hər şey onsuz da gözləməyəndə baş verir.

- “Ay Yüzlüm”ün izlənmə sayı yutub kanalınızda 3 milyona yaxınlaşmaq üzrədir. Belə görünür ki, Elvin Mirzəzadənin rekordunu yeniləyəcəksiniz.

- Elvin Mirzəzadəyə çox minnətdaram, o və onun gitaraçısı mənə çox kömək etdi, indi də dəstək olur. Bilirəm ki, mənə təmənnasız olaraq yaxşılıq edən iki-üç insandan biridir.

- İnstaqramda paylaşdığınız “Ay Yüzlüm” mahnısını Alenya Tilki də bəyənib.

- Bəli, hətta ürək sözlərini də yazmışdı. Mesajı görəndə gözlərimə inanmadım, bir neçə saniyə donub qaldım. Onun səhifəsi olduğuna inanmadım, sonra gördüm ki, rəsmi hesabıdır. Yazmışdı ki, səsin superdir. Təşəkkür etdim, o da uğurlar arzuladı mənə. Yaşca məndən kiçik olsa da, gördüyü işlər böyükdür. Mahnılarının izlənmə sayı yutubda 300 milyonu keçir, böyük göstəricidir. O, təkcə Türkiyədə deyil, başqa ölkələrdə də sevilir, konsert proqramları ilə çıxış edir. Güclü səsi var, öz işini bilən insandır. Ondan xoş sözlər eşitmək məni çox sevindirdi.

- Müsahibə üçün minnətdaram, sadəliyinizi və nikbinliyinizi heç vaxt itirməyin. Arzularınıza doğru həmişə inamla addımlayın!

- Çox sağ olun.

Bu hadisə Azərbaycan tarixində bir ilk oldu - Sahib Məmmədov və Əbülfəz Mehdiyev ilə MÜZAKİRƏ - VİDEO

Xəbər xətti

Bu hadisə Azərbaycan tarixində bir ilk oldu - Sahib Məmmədov və Əbülfəz Mehdiyev ilə MÜZAKİRƏ - VİDEO
12:45 29.03.2024
Oğurluqda ittiham olundu, özünü güllə ilə vurdu - Maraqlı faktlar
12:30 29.03.2024
Cənubi Koreyada uşaq sahibi olan cütlüklərə 75 min dollar ödəniləcək
Cənubi Koreyada uşaq sahibi olan cütlüklərə 75 min dollar ödəniləcək
12:20 29.03.2024
“Crocus”da xəsarət alanların sayı 382 nəfərə ÇATDI
12:18 29.03.2024
AzTV Arayikin müsahibəsini niyə yayımlamadı? – RƏSMİ AÇIQLAMA
AzTV Arayikin müsahibəsini niyə yayımlamadı? – RƏSMİ AÇIQLAMA
12:15 29.03.2024
İndi dünya daha yavaş dönür
12:10 29.03.2024
“Pulu olmayan bələdiyyə necə fəaliyyət göstərsin?!” – Fazil Mustafa
12:05 29.03.2024
Aİ-nın Cənubi Qafqazda səfəri sülh prosesinə necə təsir edəcək? – Amerikalı Ekspert Açıqlayır – ÖZƏL
12:00 29.03.2024
Netanyahu Mossad rəhbərinin sülh təklifini RƏDD EDİB
11:55 29.03.2024
Şuşa şəhərində yeni məscidin təməli qoyulub
11:52 29.03.2024
Rusiya “Yars” raketi ilə təlimlərə çıxıb
Rusiya “Yars” raketi ilə təlimlərə çıxıb
11:50 29.03.2024
Lavrov Aİ-nın müşahidə missiyasını qınayıb
Lavrov Aİ-nın müşahidə missiyasını qınayıb
11:45 29.03.2024
Sosial xarakterli fövqəladə mühit rejimində qaydalarına riayət edilməməsinə görə cərimələr müəyyənləşir
11:42 29.03.2024
Hakim vəzifəsinə namizədlər üçün 30 yaş tələbi ləğv edilir
Hakim vəzifəsinə namizədlər üçün 30 yaş tələbi ləğv edilir
11:40 29.03.2024
Sanksiyalar Rusiyaya mane olur, ödənişləri almaq üçün mübarizə aparır
Sanksiyalar Rusiyaya mane olur, ödənişləri almaq üçün mübarizə aparır
11:38 29.03.2024
ABŞ yeni ittifaq yaradır... - ANALİTİKA
11:33 29.03.2024
Azərbaycanda bu maşınlar kəskin UCUZLAŞDI - Satmaq istəyənlər isə 3 dəfə artdı
11:28 29.03.2024
ABŞ və Aİ Ermənistanı niyə silahlandırır? – SƏBƏB VƏ MƏQSƏD
11:22 29.03.2024
Bakı-Sumqayıt şosesində yaranan sıxlığın SƏBƏBİ bilindi
11:17 29.03.2024
Rusiyalı səfir: ABŞ-la münasibətlər düzəlməyəcək
Rusiyalı səfir: ABŞ-la münasibətlər düzəlməyəcək
11:15 29.03.2024
Milli Məclisin iclası başlayıb
11:05 29.03.2024
Hikmət Hacıyev: "Azərbaycan Mərkəzi Asiya ilə Avropanı birləşdirən təbii əlaqədir" - VİDEO
11:00 29.03.2024
Amerikalı cütlüklər İsrail əleyhinə kampaniya BAŞLATDILAR
10:56 29.03.2024
Ermənistan hökuməti "RTR-Planeta" telekanalında yayımlanan Solovyovun verilişinə qadağa tətbiq edib
Ermənistan hökuməti "RTR-Planeta" telekanalında yayımlanan Solovyovun verilişinə qadağa tətbiq edib
10:52 29.03.2024
Ankarada ZƏLZƏLƏ oldu
10:45 29.03.2024
Ermənistan İctimai Televiziyası: Bu kəndlər Azərbaycana qaytarılacaq
Ermənistan İctimai Televiziyası: Bu kəndlər Azərbaycana qaytarılacaq
10:40 29.03.2024
Buraxılış imtahanlarının cavabları nə zaman açıqlanacaq? – RƏSMİ AÇIQLAMA
10:36 29.03.2024
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
10:32 29.03.2024
Əhalinin ən çox xərci nəyə çıxır? - ARAŞDIRMA - VİDEO
10:24 29.03.2024
Xankəndidə silah-sursat aşkarlandı
10:15 29.03.2024
Lavrov Ermənistan rəhbərliyini ittiham etdi
Lavrov Ermənistan rəhbərliyini ittiham etdi
10:10 29.03.2024
Avropa İttifaqının Cənubi Qafqaz səfərinin GİZLİNLƏRİ – Fikrət Sadıqov AÇIQLAYIR
10:01 29.03.2024
Xırdalanda 12 ədəd qumbara tapıldı - VİDEO
09:51 29.03.2024
Azərbaycanda ilk sosial televiziya fəaliyyətə BAŞLAYIR
09:47 29.03.2024
Azərbaycanda professor vəfat etdi
09:36 29.03.2024
Tanınmış jurnalist İdrak Camalbəyli Ukraynada vəfat etdi
Tanınmış jurnalist İdrak Camalbəyli Ukraynada vəfat etdi
09:25 29.03.2024
Azərbaycan nefti BAHALAŞDI
09:21 29.03.2024
Pensiya və müavinət alanlara ŞAD XƏBƏR - VİDEO
09:10 29.03.2024
Daha 35 ailə Füzuliyə yola salındı
09:00 29.03.2024
Dani Alveş ziyafət təşkil etdi
06:40 29.03.2024
Hamısı