"Soçi görüşlərindən sülh çıxdı və sülh hərkəsin lehinədir" - Ekspert | Eurasia Diary - ednews.net

16 Dekabr,


"Soçi görüşlərindən sülh çıxdı və sülh hərkəsin lehinədir" - Ekspert

Müsahibə A- A A+

Xəbər verdiyimiz kimi, dünən Soçidə Rusiya və Türkiyə prezidentləri İdlib məsələsini müzakirə ediblər. Məsələ ilə bağlı siyasi ekspert Samir Həmidov Eurasia Diary-nin suallarını cavablandırıb.

Related image

- Soçi görüşündən hansı nəticələr çıxdı və nəticələr hansı dövlətlərin maraqlarına uyğun idi?

Soçi görüşündən sülh çıxdı. Əgər bir danışıqdan sülh qərarı çıxıbsa bu bütün tərəflərin lehinədir. Xüsusən də Suriya xalqı üçün bu görüşun nəticələri çox önəmli oldu. Suriya xalqının regionda daimi bir sülhə böyük ehtiyacı var.

- İranın “İdlib oyunundan” çıxmasının nə kimi səbəbləri var?

Bəli, İran son günlərə qədər İdlib ilə yaxından maraqlanırdı, lakin dünən hər-hansısa bir əməliyyatda iştirak etməyəcəklərini bildirdi. Bunun əsas səbəbi ondan ibarətdir ki, İran Türkiyə ilə heç bir şəkildə qarşı-qarşıya gəlmək istəmir. İdlib məsələsində isə bu çox real bir təhlükə idi.

- Suriyanın gələcək sistemi və inzibati quruluşu necə olacaq?

Suriyanın yeni qəbul edilmiş konstutsiyasında belə yaxın zamanlarda federativ bir quruluşa keçəcəyi aydın görsənir. Suriya parçalanmamaq üçün kürdlərə və digər müxaliflərə muxtariyyat verməyə məcburdur.

- Bəs Suriyadakı türkmənlər də muxtariyyət hüququna sahib ola bilərmi?

Türkmənlər orada ən az beynəlxalq dəstəyə və siyasi nüfuza sahib olan qrupdur. Onların muxtariyyat əldə etməsi çox zəif bir ehtimaldır.

- Əsəd rejimi hal hazırda Suriya ərazilərinin böyük bir hissəsinə nəzarət edir. Belə görünür ki, o devrilməyəcək və hakimiyyətini davam etdirəcək. Bəs Ərdoğanın onunla yenidən diplomatik əlaqələr qurması və danışıqlara getməsi mümkündürmü?

Məncə, xeyr mümkün deyil. Və ümumiyyətlə bu çox mürəkkəb bir prosesdir. Böyük bir ehtimalla İsraillə olduğu kimi Suriya ilə də Türkiyə “barışmayacaq”.

- Suriyadakı YPG qruplaşmasının ABŞ tərəfindən dəstəkləməsinin əsas səbəbi nədir?

ABŞ-da eynən Türkiyə kimi Əsədlə danışıqlara getməyəcək. YPG-dən həm Türkiyəyə, həm də mövcud rejimə qarşı gələcəkdə istifadə edəcək və bunun üçün regionda kiçik də olsa bir Kürdistan dövlətini qurmağa yardım edəcək.

Müsahibəni götürdü: Nicat İsmayılov

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...