Eurasia Diary xəbər verir ki, dekabrın 23-də "Bakıda Ukrayna gecələri, 2018" adlı ilk mahnı müsabiqəsi keçirilib. Tədbir Y.Osadçenkonun rəhbərliyi altında Ukrayna Azərbaycanlıları Konqresinin və T. Musayevanın rəhbərliyi ilə Sumqayıt şəhərində İ.Frank adına Ukrayna icmasının dəstəyilə Azərbaycan Respublikasının Ukraynadakı səfirliyi tərəfindən təşkil edilmişdir.
Tədbirdə Azərbaycan Respublikası Milli Məclisinin nümayəndələri, Azərbaycan diasporu ilə iş üzrə Dövlət Komitəsi, politoloqlar, jurnalistlər və Azərbaycanda Ukrayna diasporunun üzvləri iştirak ediblər. Müsabiqənin xüsusi qonağı və münsiflər heyətinin üzvlərindən biri "Ölkənin Səsi" televiziya müsabiqəsinin 8-ci mövsümünün qalibi Alyona Lutsenko idi.
Tədbirdə Ukraynanın Azərbaycandakı fövqəladə və səlahiyyətli səfiri Aleksandr Mişenko Eurasia Diary-ə verdiyi müsahibədə müsabiqə ideyasının necə yarandığını və məqsədi barədə danışıb.
"Biz hər il inkişaf edirik. 5 il əvvəl biz bu işi Ukraynanın ənənələri və mədəniyyətini dəstəkləmək üçün başlamışdıq. Tədricən yeni dostlar və iştirakçıları aşkar etdik və bizim ideyalarımızla ciddi maraqlanan bir qrup insanın toplandığını gördük. Bir sıra önəmli faktorlar var idi. Azərbaycanlı Dilarə Kazımova Ukraynada keçirilən "Ukraynanın Səsi" müsabiqəsində iştirak etmişdi, o, "Океана Эльзы" qrupuna adi çox gözəl və mürəkkəb bir mahnını ifa edərək mükafat qazanmışdı.
Tədricən biz peşəkar Ukrayna mahnılarının məşhurlaşması üçün nə təşkil edə bilərik sualı ətrafında düşünməyə başladıq. Noyabrda Truskavetsdə Müslim Magomayevə həsr olunmuş müsabiqənin keçirilməsi və şəhər icra hakimi ilə yaxşı münasibətlərimiz belə bir ideyanın yaranmasına səbəb oldu. Truskavetsdə müsabiqə başa çatdıqdan sonra biz Bakıda bu ideyanı həyata keçirməyə başladıq. Konsulluqda təmsil olunan Ukraynada yaşayan azərbaycanlılar, Ukrayna vətəndaşlarını tanıdıq. Birləşmiş Ukrayna Azərbaycanlıları Konqresinin rəhbəri Rövşən Tağıyev hədiyyələr barədə bizə kömək etməyi təklif etdi. Dostlarımızı topladıqdan sonra yaxşı bir müsabiqə keçirməyə imkan verən resursumuz olduğunu gördük. Bakıda Ukraynanın xalq artisti, rejissor və bu sahədə mütəxəssis olan İrina Şarovalova çalışır. Həmçinin, Ukraynada keçirilən növbəti müsabiqənin qalibi Alyona Lutsenko da bura gəlməyə hazırlaşırdı.
Yaxşı bir şey planlandığında və bütün detallar uyğun gəldiyində, müsbət nəticə əldə olunur. Biz hesab edirik ki, Ukrayna mahnısı, Ukrayna dili və kəlməsi Ukrayna üçün ən mühüm elementlərdir. Uşaqlar dilləri böyüklərdən daha yaxşı mənimsəyir və qeyd etmək istərdim ki, bu gün onlar qüsursuz danışdılar.
İdmanda belə bir ifadə var, "qəzəb yaratmaq lazımdır", ancaq biz istəyirik ki, uşaqlar daima sevinc hissi keçirsinlər. Sevinc - qalib gələcək".
Səfir həmçinin, gələcək planlar haqqında danışıb.
"Bu gün ilk dəfə iştirak edən uşaqlar özləri bunun davamlı olmasını tələb edəcəklər və biz ümid edirik ki, müsabiqəyə qatılmaq istəyən uşaqların sayı artacaq. Digər tərəfdən, yaradıcılıq çalışqan və nəyəsə nail olmaq istəyən insanları tərbiyə edir. Və mən bütün uşaqların müsbətə köklənməsinin tərəfdarıyam.
Ukraynada keçirilən "Ölkənin səsi" televiziya müsabiqəsinin 8-ci mövsümünün qalibi Alyona Lutsenko təəssüratlarını bölüşdü:
Mən hər şeyi çox bəyəndim, uşaqlar həqiqətən də çox güclüdür. Başqa bir dildə mahnı öyrənmək çox böyük əmək tələb edir. Mən münsiflər heyətinin üzvü olmaqdan və bu cür qabiliyyətli uşaqları qiymətləndirməkdən çox məmnunam.