Sosial şəbəkədə taksi sürücüsü Pərviz Zeyn müştərisini səsi ilə təsirləndirərək diqqətləri üzərinə çəkib.

Ednews sözügedən şəxslə əlaqə yaradaraq müsahibə alıb. Müsahibəni təqdim edirik:

- Pərviz bəy özünüz haqda qısa məlumat verərsiniz...

- Zeynalov Pərviz Feyruz oğlu, 1988-ci ildə Bakı şəhərində doğulmuşam. Bir ildi taksi fəaliyyətindəyəm. 

- İncənəsətə marağınız necə yarandı?

- İncəsənətə 30 yaşımdan başladım. İlk növbədə mahnılar yazmışam. Nədənsə uğur qazana bilmədim.

- Yazdığınız mahnıların mövzusu nə olub?

- Mahnılarım əsasən yaşadıqlarımı əks etdirib. Yaşadıqlarımı qələmə alıb musiqi bəstələmişəm. 

- Taksidə sərnişinlərinizə mahnı ifa edirsiniz?

- Əlbəttə, yox. Son zamanlar başlamışdım mahnı oxumağa. Bəzən elə olub sərnişinlər ilə birlikdə mahnı ifa etmişik. 

- Kimsə demişdi ki, sizə səsiniz əsrarəngizdir?

- “Elay” production mənim sponsorum olub. Youtube platfomasında klipim də var. Sadəcə elə oldu ki, ilk mahnımız tutmadı. Aranjimançılar bizi aldatdılar. Yaşadıqlarım məni həvəsdən salmışdı. 

- İlk mahnınız hansı olub?

- İlk mahnım “Pəncərənə qoyduğum güllər” mahnısı olub.

- Həyatınızın dönüş nöqtəsi nə zaman olduğunu düşünürsüz?

- Bir gün taksimə qadın müştəri mindi. Ona musiqiyə sevgimdən, mahnı oxumağımdan danışdım. Hətta onun üçün mahnı oxudum və o məni musiqiyə həvəsləndirdi. Mənə ilham mənbəyi oldu. 

- O qadın kim idi?

- Türkiyəli xanım idi, kibertəhlükəsizlik üzrə şirkətin sahibəsi Berna Baysal. 

- Həyatda ən böyük arzunuz nədir?

- Qarabağda açılan universitetdə “Unutma ki, dünya fani” mahnısını ifa etməkdir. Bu mahnının sözləri şəhidlərimizə həsr olunub. 

- Son olaraq nə demək istəyərsiniz?

- Səsimi bəyənən hərkəsə öz təşəkkürümü bildirirəm. Sevinirəm ki, şəhidlərin yad edilməsində mənim də payım oldu.

Söhbətləşdi: Aynurə İsmayıl