Eurasia Diary bəyanatın mətnini təqdim edir:
Hər kəsin sülhə haqqı var!
BMT-nin təşəbbüsü ilə hər il sentyabrın 21-də beynəlxalq ictimaiyyət bütün dünya ölkələri və xalqları arasında sülh ideallarını möhkəmləndirmək məqsədilə Beynəlxalq Sülh Gününü qeyd edir.
Sivilizasiyanı məhv edə biləcək qlobal müharibələrin və millətləri ayıran dərin ziddiyyətlərin təhdidləri bəşəriyyətin problemlərinə diqqət yetirməyə və onların necə həll oluna biləcəyi barədə düşünməyə vadar edir.
Bu il beynəlxalq ictimaiyyət “Bəşər ailəsinin bütün üzvlərinə xas olan ləyaqət hissinin və onların bərabər və ayrılmaz hüquqlarının tanınmasının azadlıq, ədalət və ümumi sülhün əsası olduğu” qeyd olunan Ümumdünya İnsan Hüquqları Bəyannaməsinin 70 illiyini qeyd edir.
2018-ci ildə Beynəlxalq Sülh Günü "Sülh hüququ: Ümumdünya İnsan Hüquqları Bəyannaməsinin 70 illiyi" şüarı altında qeyd olunur.
Təəssüf ki, biz hələ də bütün dünyada davam edən müharibələrin, münaqişələrin və məcburi köçkünlük probleminin nəticələri ilə üzləşməyə davam edirik.
Ermənistan-Azərbaycan Vətəndaş Sülh Platforması sülh və ədalət ideyalarına sadiq olan hər kəsi təbrik edir və hökumətləri, vətəndaş cəmiyyətini və KİV-ləri sülhün əldə edilməsi və onun bərqərar olunması istqamətində Birləşmiş Millətlər Təşkilatının səylərini dəstəkləməyə və zorakı münaqişələrin qarşısının alınması və miqyasının azaldılması naminə əməkdaşlığın möhkəmlənməsi üçün səyləri birləşdirməyə çağırır. Biz hər kəsi: fərdləri, hökumətləri, şirkətləri, vətəndaş cəmiyyətini, BMT sistemini və digərlərini bizə qoşulmağa və ümumi tərəqqini təmin etmək üçün dəyişikliklərə nail olmağa çağırırıq.
Qeyd edək ki, bu günü Baş Assambleya bütün ölkələr və xalqlar arasında sülh ideallarını möhkəmləndirilməsi günü elan edib.