“Lukaşenko Azərbaycan səfirinə hesabat verir?” - Belarus başçısı İrəvanı qəzəbləndirdi | Eurasia Diary - ednews.net

14 Dekabr, Cümə


“Lukaşenko Azərbaycan səfirinə hesabat verir?” - Belarus başçısı İrəvanı qəzəbləndirdi

Siyasət A- A A+

Ermənistanın keçmiş baş naziri Armen Darbinyan (1998-1999) Belarus Prezidenti Aleksandr Lukaşenko ilə çəkdirdiyi foto-şəkili yayımlayıb.

Eurasia Diary teleqraf.com-a istinadən xəbər verir ki, şəkili sosial şəbəkədə paylaşan Darbinyan Belarus başçısına bir sıra suallar ünvanlayıb.

Keçmiş baş nazir yayımladığı foto-şəklin üzərində qeyd edib:

“Bu şəkil (sağda Vaxa Lordkipanidze, solda Sergey Stepaşin) 1999-cu ildə çəkilib. Prezident Lukaşenko 6 həftə ərzində istefa verəcəyimi bilirdi. Birlikdə işlədiyimiz üçün mənə təşəkkür etdi. Bundan sonra onunla görüşmədim, ancaq bu gün ondan soruşmaq istəyirəm:

Prezident Lukaşenko KTMT-nin hər iclasından sonra Azərbaycan səfirinə hesabat verir? Hər iclasdan əvvəl Azərbaycan səfiri ilə razılaşa bilirmi? Azərbaycanda əlaqə saxladığı başqa insanlar da var? Hörmətli prezident Ermənistanın KTMT və Avrasiya İttifaqında üzərinə götürdüyü yükü daşıya bilməyəcəyini düşünür?”

Qeyd edək ki, Belarus Prezidenti Aleksandr Lukaşenko Azərbaycanın bu ölkədəki səfiri Lətif Qəndilovla görüşündə Ermənistanın KTMT-dəki fəaliyyətini müzakirə etmişdi.

Lukeşenko eyni zamanda, Baş nazir Nikol Paşinyanın Ermənistanın problemlərini həll etməli olduğunu demişdi: “Ermənistan KTMT və Avrasiya İttifaqına liderlik etmək istəyir. Ermənistan bunu bacara bilərmi?”

Ermənistan Xarici İşlər Nazirliyi Minskdə baş tutmuş görüşdən sonra bəyanat yayaraq, Belarus prezidentinə etiraz eləmişdi.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...