Məlum olduğu kimi, Azərbaycan Prezidenti İlham Əliyev, Baş nazir Novruz Məmmədov və müdafiə naziri Zakir Həsənov İran Silahlı Qüvvələrinin Baş Qərargah rəisini qəbul etdilər. Bu görüşlər zamanı Azərbaycan-İran ikitərəfli əlaqələrinin hər sahədə, o cümlədən hərbi sahədə uğurlu inkişafının vurğulandı, eyni zamanda iki qonşu dövlət arasındakı siyasi əlaqələrin ən yüksək səviyyəyə yüksəldiyi bildirildi. Bunlar isə erməni tərəfini narahat etməyə bilməzdi. Lakin Bagerinin Bakıda Ermənistanın işğalçılıq siyasəti və Dağlıq Qarabağ ətrafında erməni-azərbaycan münaqişəsi ilə bağlı yüksək səviyyəli bəyanatları erməniləri özündən çıxardı, bütün bunlar səfərin sadəcə nəzakət xatirinə gerçəkləşdirilən bir görüş olmadığını göstərdi.
İranın Azərbaycanın ərazi bütövlüyünə birmənalı dəstəyi Ermənistanda ciddi çaxnaşmaya səbəb oldu. Bir az özlərinə gələn kimi ermənilər adətləri üzrə Azərbaycan KİV-lərini İran generalının sözlərini təhrif etməkdə ittiham etməyə başladılar. Erməni təbliğat-təşviqat maşını ayağa qaldırıldı və onlar Qarabağın Azərbaycana aid olması barədə Bagerinin bəyanatları ilə bağlı Azərbaycan KİV-lərində dərc olunan yazıları şübhə altına almağa başladılar. Erməni jurnalistlər və ekspertlər guya bütün İran KİV-lərini araşdırdılar, lakin heç bir yerdə Bagerinin işğal altında olan Azərbaycan torpaqlarından bəhs etdiyinə rast gəlmədilər. İş o yerə çatdı ki, Ermənistan Müdafiə Nazirliyinin nümayəndəsi Levon Ayvazyan Baş Qərargah rəisi general-leytenant Məhəmməd Bagerinin Bakıya səfəri və Tehranın Qarabağ münaqişəsinin həlli ilə bağlı Azərbaycan mətbuatında yayımlanan məlumatlarını müzakirə etmək üçün təcili olaraq İranın İrəvandakı səfirliyinin hərbi attaşesi Mehdi Vedjani ilə nazirlikdə görüşdü. Ermənistan Müdafiə Nazirliyinin mətbuat katibi Artsrun Hovhannisyanın sözlərinə görə, "hərbi attaşe Qarabağ münaqişəsinin nizamlanmasına dair İranın balanslı mövqeyini təsdiqləyib, onun heç bir dəyişikliyə məruz qalmadığını, KİV-dəki məlumat və şərhlərin isə Tehranın rəsmi mövqeyini təhrif etdiyini vurğulayıb".
Bagerinin Azərbaycandakı bəyanatları barədə məlumat guya tapa bilməyən həm Hovhannesyanın, həm də bütün müxtəlif yönlu "dürüst" mətbuatın ayıdılması əziyyətini redaksiya heyəti öz üzərinə götürdü. Tək "Mehr" informasiya agentliyinin internet səhifəsinə daxil olaraq Bagerinin Azərbaycana səfəri və Azərbaycanın işğal olunan əraziləri ilə bağlı bəyanatlarını aşkar etmək olardı.
Burada, məsələn, 17 yanvar tarixli "Iran, Azerbaijan to hold joint naval drills in Caspian Sea" başlıqlı məlumatda ağ kağız üzərində qara rənglə yazılıb: "Bagheri added that Iran also wants the occupied territories to be returned to Azerbaijan and the problem of refugees and internally displaced people to be solved".
(https://en.mehrnews.com/news/141634/Iran-Azerbaijan-to-hold-joint-naval-drills-in-Caspian-Sea).
Ümid edirəm ki, ermənilərin fars dilindən fərqli olaraq ingiliscədə problemləri yoxdur.
Qeyd etmək lazımdır ki, "Mehr" dövlət informasiya agentliyidir, İslam təbliğat Təşkilatına tabedir, vəzifələri isə İslamın bütün istiqamətlərinin birliyini prinsipini qorumaqla şiə mədəniyyətinin bütün mümkün vasitələrlə yayılmasından, İran İslam Respublikasına qarşı düşmənçilik və mədəni təcavüzü neytrallaşdırmaqdan və s. ibarətdir. Yəqin ki, İran dövlət informasiya agentliyi həm təsdiqlənməmiş və ya həqiqətə uyğun olmayan məlumatları, həm də İranın Baş Qərargahının rəhbərinin sözlərini təhrif edə bilməz.
Eyni zamanda, İranın fars dilində dərc olunan bir çox digər informasiya agentliyi də Bagerinin Azərbaycana səfəri və Tehranın Azərbaycanın ərazi bütövlüyünü tanıdığına dair bəyanatları barədə məlumatlar yayımlayıb. Bir də ki, Azərbaycanın ərazi bütövlüyündən danışan İran məhz Qarabağı nəzərdə tutur. Bəli, həqiqətən də onlar, Quba və ya Gəncəni nəzərdə tutmur.
Beləliklə, biz erməni təbliğatçılarının hara baxdıqlarını bilmirik, lakin bu, məlum rus atalar sözündəki kimi alındı: "Kitaba baxırdıq, amma barmaqlar arasında baş barmaq gördük". Əslində bu erməni təbliğat-təşviqat ənənələrinə tam uyğundur - özünə sərfəli olmayanı görməmək.