"BMT-nin Ərzaq və Kənd Təsərrüfatı Təşkilatının (FAO) Azərbaycanla birgə reallaşdırdığı Tərəfdaşlıq Proqramı (FATP) hesabına digər ölkələrə Azərbaycan təcrübəsi əsasında yardım etmək imkanı qazana bilərik”.
Eurasia Diary “Report”-a istinadla xəbər verir ki, bunu bu gün Proqramın açılış mərasimində FAO-nun Azərbaycan nümayəndəliyinin rəhbəri Mələk Çakmak bildirib.
Onun sözlərinə görə, təmsil etdiyi qurum layihələrin icrasında özəl sektorla tərəfdaşlığa və beynəlxalq ictimaiyyətlə iş birliyinə önəm verir.
“Məqsədimiz kiçik fermer qruplarına kömək etmək və dayanıqlı məqsədlərə nail olmaqdır”, - deyə o, qeyd edib.