Eurasia Diary-nin verdiyi xəbərə görə, bu gün Bakı bulvarında BMT-nin Dayanıqlı İnkişaf Məqsədlərinə həsr olunmuş stendlərin açılış mərasimi keçirilib.
Layihə IDEA İctimai Birliyi, Birləşmiş Millətlər Təşkilatının Azərbaycan üzrə nümayəndəliyi və Azərbaycanın Davamlı İnkişafı üzrə Milli Koordinasiya Şurası tərəfindən Birləşmiş Millətlər Təşkilatının İnkişaf Proqramının (BMTİP) maliyyə dəstəyi ilə həyata keçirilib.
İkitərəfli stendlərdə Birləşmiş Millətlər Təşkilatının 17 Davamlı İnkişaf Məqsədləri ilə bağlı məlumatlar yer alıb. Plakatlarda hər bir məqsədin izahından əlavə şəhərin hər bir sakininə DİM-nin həyata keçirilməsinə töhfə verə bilməsi üçün nə edə biləcəyinə dair tövsiyələr verir.
Qeyd edək ki, 2015-ci ilin sentyabrında BMT-ə üzv olan ölkələr o cümlədən Azərbaycan 2030-cu ilə qədər davamlı inkişaf Gündəliyini qəbul etdilər.
Gündəliyin əsas tərkib hissəsi 2030-cu ilə kimi yerinə yetirilməli olan 17 Davamlı İnkişaf Məqsədləri (DİM) və onlarla bağlı 169 vəzifədir.
Tədbirdə hakim Yeni Azərbaycan Partiyasının (YAP) icraçı katibi, davamlı İnkişaf üzrə Milli Koordinasiya Şurasının sədri Əli Əhmədov açılış nitqi ilə çıxış edib.
O açılış nitqində söyləyib ki, bu gün dünyada insanların əksəriyyəti aclıq, yoxsulluq, tibb və təhlükəsizlik problemləri ilə qarşılaşır. O bəşəriyyətin bu problemlərini həll etmək üçün DİM-nin alətlərini qeyd edib.
"Azərbaycan DİM 2030-un həyata keçirilməsinə sadiqdir. Biz istəyirik ki, Azərbaycanda insanlar Davamlı İnkişaf Məqsədlərinə nail olma prosesinə cəlb olunsunlar.
Biz istəyirik ki, hər bir Azərbaycan vətəndaşı davamlı inkişaf məqsədlərinin vəzifələrini dərk etsin və bununla da dövlətin bu sahədə göstərdiyi səyləri dəstəkləyərək üzərinə düşən vəzifələri yerinə yetirsin", deyə Əhmədov bildirib.
BMT-nin Azərbaycandakı Rezident Əlaqələndiricisi Qulam İsakzai qeyd edib ki, davamlı inkişaf məqsədləri haqqında geniş ictimaiyyətə məlumat verilməsi onların uğurlu həyata keçirilməsi üçün böyük əhəmiyyət kəsb edir. Onun sözlərinə görə, vətəndaşların bu proseslərə olan marağını maarifləndirmə kampaniyaları vasitəsilə artırmaq lazımdır.
Qulam İsakzai Bakı bulvarında stendlərin quraşdırılmasını simvolik adlandırıb, çünki onu ziyarət edən çox sayda insanın həyatını yaxşılaşdırmaq məqsədilə DİM barədə məlumatlandırılmasına imkan verəcək.
Sərgi Bakı bulvarında saat qülləsi yaxınlığında yerləşir və noyabr ayının əvvəlinə kimi bütün qonaqların üzünə açıqdır.
Natalya Quliyeva
