Bakı Dövlət Universitetinin professoru Şahlar Əsgərov deyir ki, biz alimin sayını artırmağa cəhd edirik, keyfiyyəti yox.
Bakı Dövlət Universitetinin (BDU) professoru Şahlar Əsgərov Sputnik-ə müsahibəsində deyir ki, Azərbaycanda elmdə qocalmanın səbəbləri çoxdur:
“Bura inzibati, iqtisadi, sosial səbəblər daxildir. Hazırda alimlər özünü elmə tam həsr edə bilmir. Son 30-40 ildə alimlik məmur statusuna çevrilibdir. Yəni alimlər məmur olub. Bu da ona görədir ki, biz alimin sayını artırmağa cəhd edirik, keyfiyyəti yox. Sayın artması keyfiyyəti çox azaldıbdır. Amma ali məktəblərdə dərs demək üçün alim məmur yetişdirmək olar. Bizdə alim saatlarla alimdir”.
"Alimlər daima inkişaf etməlidir, sutka üzrə alim olmalıdır, saatlarla deyil. İndi alimlər misal üçün atom fizikasından bir mühazirə deyir, sonra gələn il yenə eyni şeydən danışır. Özünü inkişaf elətdirmir. Alim gərək müxtəlif istiqamətlərə də baş vursun, mövzunu genişləndirsin", - deyə professor söyləyib