Bu il 11-ci sinif şagirdləri üçün keçirilən sınaq imtahanından razı deyilik.
Eurasia Diary-nin məlumatına görə, bunu Dövlət İmtahan Mərkəzinin Direktorlar Şurasının sədri Məleykə Abbaszadə jurnalistlərə açıqlamasında bildirib.
Onun sözlərinə görə, kurikulimla təhsil alan şagirdlərin monitorinq imtahanlarının 2015-ci il nəticələrinə əsasən seminarlar təşkil olunub:
“Yeni növ imtahanların modelini qurmuşuq və burada istifadə olunan ölkə, qiymətləndirmə materialları hazırlamışıq. 11-ci sinif buraxılış imtahanına aid olan sınaq imtahanı keçirildi. O imtahan 11-ci sinfin proqramını tam əhatə etmirdi. 10-cu sinfin bazası əsasında sınaq imtahanı keçirdik. Belə sınaq imtahanı yayda da keçiriləcək.
11-ci sinifdə standartlara aid olan yeni tapşırıqlar da istifadə olunacaq. Bu, ilkin imtahan idi. Nəticələrdən tam razı olduğumuzu deyə bilmərik. Amma humanitar sahədə olan nəticələr elə də pis deyil”.
Sədr qeyd edib ki, monitorinq imtahanın nəticələrinə görə, ana dilindən olan nəticələr ildən ilə yaxşılaşır:
“Amma texniki fənlərdən, xüsusilə riyaziyyatdan olan nəticələr bizi o qədər də qane etmir”.