Bakıda güclü küləyin aşırdığı TIR-ın sürücüsü xəstəxanaya yerləşdirilib.
Eurasia Diary-nin məlumatına görə, hadisə Ələt-Astara yolunda baş verib.
Bakıdan Qobustan istiqaməti ilə hərəkət edən TIR-ı güclü külək dəmir arakəsmələrin üzərinə aşırıb. Nəticədə, yük maşınının sürücüsü xəsarət alıb. Hadisə yerinə gələn təcili tibbi yardım maşını xəsarət alan şəxsi 1 saylı Kliniki Tibbi Mərkəzə çatdırıb.
Xəstəxanadan Trend- verilən məlumata görə, sürücü Türkiyə vətəndaşı, 1968-ci il təvəllüdlü İrkam Şamildir:
"Sürücünün qol və baldır nahiyəsində əzilmələr var. Hal-hazırda vəziyyəti yaxşıdır".
Qeyd edək ki, Ekologiya və Təbii Sərvətlər Nazirliyi bu gün və sabah ölkə ərazisində xüsusi təhlükəli hidrometeoroloji hadisənin olacağı haqqında xəbərdarlıq edib.
Nazirliyin Milli Hidrometeorologiya Departamentinin verdiyi məlumata görə, yanvarın 18-i gündüzədək ölkə ərazisində hava şəraitinin kəskin dəyişəcəyi gözlənilir. Şiddətli şimal-qərb küləyinin əsəcəyi, küləyin maksimal sürətinin 28-33, arabir 35-38 m/s-yə çatacağı gözlənilir.
***
Ələt-Astara avtomobil yolunda ağır tonnajlı iki yük maşını (TIR) aşıb.
Bu barədə “Report”a hadisə şahidləri məlumat verib.
Hadisə zamanı ciddi xəsarət alan olmayıb.
Əraziyə hüquq-mühafizə orqanlarının əməkdaşları cəlb olunub.
Qeyd edək ki, bu gün ölkə ərazisində güclü külək müşahidə olunur.