20 Yanvar faciəsinin 29-cu ildönümünün keçirilməsi ilə əlaqədar olaraq Bakıda Şəhidlər Xiyabanında aparılan təmizlik və abadlıq işləri yekunlaşdırılır.
Xiyabanda qərənfil güllərindən ibarət xüsusi kompozisiya hazırlanaraq, başa çatdırılıb.
Bu gün də ölkə vətəndaşları və paytaxtın qonaqlarının Şəhidlər Xiyabanına axını müşahidə olunur.
Şəhid məzarlarını ziyarət edənlərin arasında müsəlman ölkələrindən olan əcnəbilərin çoxluğu hiss olunurdu.
Birləşmiş Ərəb Əmirlikləri, Pakistan, İraq, Qətər və Qazaxıstan kimi ölkələrdən gəlmiş turistlər Eurasia Diary –yə açıqlama verərək, xalqımızın kədərinə şərik olduqlarını, dinc əhaliyə tutulan divanı pislədiklərini deyiblər.
Xiyabanda gənc və yeniyetmə məzarlarının da olduğunu eyd edən xarici qonaqlar, 20 Yanvar faciəsinin onları sarsıtdığını bildiriblər.
Onlar müharibəni pisləyərək, Azərbaycan xalqının dəyanətini və öz qəhrəmanlarına necə hörmət etdiyini yüksək qiymətləndiriblər. Faciənin bəşəri anlam kəsb etdiyini qeyd edən qonaqlar, xalqımızın kədərinə şərik olduqlarını bildiriblər.
Qeyd edək ki, Prezident Administrasiyasının rəhbəri Ramiz Mehdiyevin sərəncamı ilə “20 Yanvar faciəsinin iyirmi doqquzuncu ildönümünün keçirilməsi ilə bağlı tədbirlər planı” təsdiq edilib.
20 Yanvar tarixində matəm ilə bağlı olaraq saat 12.00-da bütün ölkə ərazisində şəhidlərin xatirəsinin bir dəqiqəlik sükutla yad edilməsi və bayraqların endirilməsi planlaşdırılır.