Abel Məhərrəmov Almaniyaya aparıla bilər | Eurasia Diary - ednews.net

19 Fevral, Çərşənbə axşamı


Abel Məhərrəmov Almaniyaya aparıla bilər

Cəmiyyət A- A A+

Sabiq rektor iki gün reanimasiyada qaldıqdan sonra səhhətində nisbətən yaxşılaşma qeydə alınıb və onun Almaniyadakı xəstəxanalardan birinə köçürülməsi ilə bağlı danışıqlar aparılır

Bakı Dövlət Universitetinin (BDU) sabiq rektoru Abel Məhərrəmovun səhhətində ciddi problem yaranıb. Eurasia Diary Sputnik Azərbaycan-a istinadla xəbər verir ki, sabiq rektor ötən həftənin şənbə günü yüksək qan təzyiqi ilə bağlı Mərkəzi Kliniki Xəstəxanaya müraciət edib. Ona ürək çatışmazlığı diaqnozu qoyulub.

Həyatı üçün ciddi təhlükə olduğundan, A.Məhərrəmov dərhal xəstəxananın reanimasiya şöbəsinə yerləşdirilib.

Xəstəxanadakı mənbənin verdiyi məlumata görə, sabiq rektor iki gün reanimasiyada qaldıqdan sonra səhhətində nisbətən yaxşılaşma qeydə alınıb və o, bu gün palataya köçürülüb. Hazırda sabiq rektorun səhhətinin normal olduğu bildirilir. Bununla belə, mənbə Abel Məhərrəmovun Almaniyadakı xəstəxanalardan birinə köçürülmə ehtimalının olduğunu qeyd edib. O bildirib ki, hazırda Almaniya xəstəxanaları ilə bu barədə danışıq aparılır.

Abel Məhərrəmov 2018-ci il noyabrın 15-də prezident İlham Əliyevin sərəncamı ilə BDU-nun rektoru vəzifəsindən azad edilib.



 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...