25 aprel 2019-cu ildə Bakı şəhəri Xətai rayonunun 249 nömrəli tam orta məktəbində Azərbaycan Milli Elmlər Akademiyasının Fəlsəfə İnstitutu və Mili Mənəvi Dəyərlərimizə Dəstək İctimai Birliyinin təşkilatçılığı ilə “Milli-mənəvi və İslami dəyərlərin yeniyetmə və gənclərdə formalaşdırılması” mövzusunda elmi-praktiki profrans keçirildi.
Tədbiri giriş sözü ilə məktəbin direktoru fizika-riyaziyyat elmləri üzrə fəlsəfə doktoru Nizami Bayramov açaraq hər kəsi salamladı və tədbirin əhəmiyyətindən danışdı.
Sonra AMEA-nın Fəlsəfə İnstitutunun “Davamlı inkişafın fəlsəfi problemləri” şöbəsinin müdiri, fəlsəfə elmləri üzrə elmlər doktoru, professor Sakit Hüseynov “Dini fanatizm, radikalizm və məzhəb ayrıseçkiliyinin zərərli nəticələri”, Milli Mənəvi Dəyərlərimizə Dəstək İctimai Birliyinin sədri, siyasi elmlər üzrə fəlsəfə doktoru, Beynəlxalq Təhsil Akademiyasının müxbir-üzvü Elvin Talışınski “İslam dininin Azərbaycan xalqının milli-mənəvi dəyərlərinə tövhəsi”, Milli Mənəvi Dəyərlərimizə Dəstək İctimai Birliyinin sədr müavini Qorxmaz Paşayev “İslami dəyərlərdə elm və təhsilin əhəmiyyəti”, Milli Mənəvi Dəyərlərimizə Dəstək İctimai Birliyinin sədr müavini Nərminə Quliyeva “İslami dəyərlər sistemində uşaq tərbiyəsi”, Milli Mənəvi Dəyərlərimizə Dəstək İctimai Birliyinin ictimaiyyətlə əlaqələr departamentinin rəhbəri Ziya Yaqubzadə “İslami dəyərlər sistemində vətənpərvərlik”, Milli Mənəvi Dəyərlərimizə Dəstək İctimai Birliyinin üzvü “İslami dəyərlər sistemində valideyn-övlad münasibətləri” adlı məruzələrlə məktəblilər qarşısında çıxış etdilər. Çıxışlar məktəb müəllimləri və şagirdləri tərəfindən çox böyük marağa səbəb oldu.
Sonda 249 nömrəli tam orta məktəbin şagirdləri ilə xatirə şəkli çəkdirildi.