Prezident seçildikdən sonra Ərdoğan Azərbaycana ilk səfərini həyata keçirdi. Görüş həm iqtisadi həm də geosiyasi əhəmiyyət kəsb edirdi.
Görüşdə toxunulan əsas məsələlər bunlar idi.
1. Ərdoğan Naxçıvandan Türkiyəyə dəmiryolu çəkmək fikrindədir. Fikrimcə, bu iqtisadi olmaqla yanaşı geosiyasi əhəmiyyət kəsb edir. Əgər dəmiryolu xətti inşa edilərsə, Türkiyə bu dəmiryolunun təhlükəsizliyi üçün hərbi yöndə diqqət ayırmalıdır. Bu isə Türkiyənin regiona təsirinə zəmin yaradır.
2. Azərbaycan Türkiyəyə 3 milyard, Türkiyə Azərbaycana 12 milyard pul yatırıb və yatırımlar yüksələcək. Hesab edirəm ki, bunun səsləndirilməsi Ermənistan tərəfdə qıcıq yaratmaq üçündür. Çünki bir neçə erməni şirkəti müxtəlif yollarla Gürcüstan vasitəsi ilə uzun tranzitlərlə Türkiyədən idxal-ixrac əməliyyatlarını həyata keçirirlər. Ermənistan Türkiyə ilə vəziyyəti düzəltməyə maraqlıdır. Ancaq iqtisadi aslılığı əsas göstərən Ərdoğan bunun üçün Qarabağ probleminin Azərbaycan xeyrinə həlliylə olacağının mesajın verir. Məhz bu Qarabağ probleminin həlli üçün Ərdoğanın tək siyasi həll yoludur.
3. Ərdoğan FETÖ əməliyyatında Əliyevə təşəkkürünü bildirdi. Bununla yanaşı o vurğuladı ki, Türkiyədə Azərbaycan əleyhinə olanlara qarşı tədbirlər görülür. Düşünürəm ki, bu fikrin səsləndirilməsi Azərbaycan-Türkiyə əlaqələrinin hansı səviyyəyə gəldiyini göstərir.
4. TANAP-ı vurğulayan Ərdoğan Azərbaycan neft-qazının Avropaya Türkiyə vasitəsilə çatdırılmasını qeyd etdi. Bu fikir, Türkiyənin Avropa üçün əsas enerji sahəsinə çevriləcəyini və iki dövlətin də qarşılıqlı gəlir əldə edəcəyinin carçısıdır.
Qərbi Kaspi Universitetinin Tətbiqi Politologiya Mərkəzinin eksperti Yadigar Nağıyev