"Azərbaycan-İsrail münasibətləri strateji tərəfdaşlıq xarakteri daşıyır" - Ekspert - ÖZƏL | Eurasia Diary - ednews.net

21 Oktyabr,


"Azərbaycan-İsrail münasibətləri strateji tərəfdaşlıq xarakteri daşıyır" - Ekspert - ÖZƏL

Ekspert rəyi A- A A+

Bu iki ölkə və iki millət arasında olan münasibətlər tarixən cox müsbət olub. Bir cox dövlətlərdə kiçik millətlərə qarşı qöstərilən antisemitizm Azərbaycanda hec vaxt olmayıb. Bizim dövlət həmişə multikultral dövlət olmuşdur, yəni bizdə yahudi və digər kiçik millətlərə, onların dininə, mədəniyyətinə və yaşam tərzlərinə hörmətlə yanaşılmışdır. Müstəqillik əldə etdikdən sonra da və hal-hazırda da multikultral siyasət dövlətimizin ən öndə gedən məsələlərindən biridir. Bu da dövlətimizin və onun başcısının balanslı siyasətinin nəticəsindən irəli gəlir. Əlbətdə ki, İsrail və Azərbaycan bir-birinə tək millətlərarası münasibətlə bağlı deyil, müasir dövrümuzdə iki dövlət arasında həm siyasi, iqtisadi, geopolitik həm də qarşılıqlı etimada əsaslanan əməkdaşlıq və tərəfdaşlıq münasibətləri mövcuddur. Azərbaycanın Cənubi Qafqaz regionunun lider dövləti kimi özünü tam təsdiq etməsi, bir cox iqtisadi və siyasi baxımdan vacib layihələrə imza atması İsrailin Azərbaycana marağını artıran səbəblərindən biridir. Daha öncə Azərbaycana İsrailin baş naziri Binyamin Netanyahunun indi isə İsrail dövlətinin ən vacib siyasi fiquru və Azərbaycanın əsl dostu kimi tanınan İsrailin müdafiə naziri Avigdor Libermanın dövlətimizə səfərləri bunun bariz nümünəsidir.

Onu da qeyd etmək lazımdir ki, Aviqdor Liberman Azərbaycan-İsrail münasibətlərinin və strateji tərəfdaşlığının memarlarından biridir. Yəni Cənubi Qafqaz regionunda Azərbaycanın strateji əhəmiyyətini və geosiyasi vacibliyini ilk dəfə bildirən məhz Liberman olmuşdur. Liberman öz ölkəsində cox vacib siyasi xadim və söz sahibidir. Onun bu regiona ilk səfərinin Azərbaycana etməsi, Prezident İlham Əliyevlə və Müdafiə Naziri Zakir Həsənovla görüşləri bizim ölkənin İsrail ücün nə dərəcədə siyasi və iqtisadi baximdan vacib olduğu açiq görünməkdədir. Bu gün Azərbaycan-İsrail münasibətləri əsl strateji tərəfdaşlıq xarakteri daşıyır. Ticarət sahəsində Azərbaycan-İsrail əməkdaşlığı inkişaf edir və hazırda onun həcmi 5 milyard dollara yaxındır. Əvvəllər bu əməkdaşlıq əsasən neft-qaz sahəsinə yönəlmişdi, indi isə genişləndirərək, digər sektorları, o cümlədən kənd təsərrüfatı, yüksək texnologiyalar, səhiyyə, hərbi-texniki tərəfdaşlıq sahələrini də əhatə edir. İsrailin həmçinin, müdafiə sənayesi sahəsində də Azərbaycanda hərbi sənaye quruculuğunda fəal iştirak edir. Qeyd etmək lazımdır ki, İsrail dünya bazarında Azərbaycan neftinin əsas alıcılarından biridir.

İsrail Dağlıq Qarabag münaqişəsində də Azərbaycanın tərəfini saxlayır həm siyasi, həm də hərbi-texniki sahadə, yəni bugün Ermənistana qarşı aparılan savaşda ən cox İsraildə istehsal olunan silahlardan istifadə olunur, 16 aprel döyüşləri bunun bariz nümünəsidir. Bugün də Libermanın Bakiya səfəri bütün dünyaya İsrail Azərbaycanın tərəfdaşı və strateji partnyorudur deməsi, İsrailin yanında olan bütün dövlətləri Azərbaycana eyni gözlə baxması mesajini verməsi kimi dəyərləndirmək olar. Əlbəttə ki bunlardan ən ön sırada gedən hegemon ABŞ və Rusiya dövlətləridir. Bu mesaj İran və  Ermənistan kimi bəzi qonşularımızın xoşuna getməsə də umud edirik ki, Azərbaycanın yürütdüyü dostluq və tərəfdaşlıq siyasəti onun xeyrinə olaraq. Dağlıq Qarabağ münaqişəsinin dinc və uduşlu yolla həll olunmasına gətirib çıxaracaq. İsrail-Azərbaycan münasibətləri bügün daha geniş addımlarla irəlləmə yolundadı və bu münasibətlərin hər sektor üzrə daha da geniş vüsət alınmasının hələ bundan da sonra şahidi olacayıq.

Siyasi ekspert, politoloq Ramiyə Məmmədova          

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...