Bu gün rusiyalı tarixçi və politoloq Oleq Kuznetsovun Beynəlxalq Mətbuat Mərkəzində mətbuat konfransı təşkil olunub.

Eurasia Diary xəbər verir ki, konfrans Oleq Kuznetsovun erməni-daşnak qüvvələrinin terror əməllərini sübut edən arxiv sənədlərini araşdırmasına həsr olunub.

“Bu gün Ermənistanda qəhrəman kimi təqdim olunan Qaregin Njdenin Hitlerin nasist ideologiyasının tərəfdarı olması ilə bağlı danılmaz sübutlar var”, – deyə Kuznetsov bildirib.

“Bu sənədlərdə Njde hərəkət etməyi Hitlerdən öyrənməyin lazım olduğunu deyir. Njdenin böyüyən nəslə Hitlerdən öyrənməklə bağlı çağırışı o zaman üçün məlahətli səslənirdi. Başqa sözlə desək, Njde Hitlerin yəhudilərin başına gətirdiklərini misal göstərərək, ermənilərin türklərə və ümumilikdə, müsəlmanlara qarşı eyni hərəkət etməsi ilə bağlı çağırış edib.

Qısası, bu onun üçün yeni deyildi, o, dörd müharibədə bu praktikadan uğurla istifadə etmişdi”.

Ekspertin fikrincə, SSRİ Xalq Daxili İşlər Komissarlığının dövlət təhlükəsizliyi idarəsinin 1935-ci il aprelin 7-nə aid olan 138 saylı sənədindən görünür ki, Njdenin formullarında erməni milliyyətçiliyi birmənalı formada Zaqafqaziya təhlükəsizlik orqanlarında faşizm kimi şərh olunurdu.