Gürcüstanda prezident seçkilərinin ilk turu sona çatdı.
İlk turun nəticələrinə görə, Salome Zurabişvili ("Gürcü arzusu" partiyası) səslərin 38,66% -ni, Qriqol Vaşadze (Mixail Saakaşvilinin "Vahid Milli Hərəkat" partiyası) 38,7%-ni, David Bakradze (Avropa Gürcüstanı) isə səslərin 10,97 %-ni toplayıb.
Gördüyünüz kimi, seçkilərdə liderllik edənlərin səsləri arasındakı fərq az deyil və demək olar ki, yoxdur. Bunun səbəbi nədir və səs verənlərin sayının az olması ilə bağlıdırmı?
Gürcüstanlı siyasi analitik Vasiliy Papava Gürcüstanda prezident seçkilərinin necə keçirilməsilə bağlı Eurasia Diary-ə şərh verib.
Seçkilər rahat bir şəraitdə keçirildi. Seçki məntəqələrində yerli və xarici müşahidəçilər tərəfindən hər hansı bir pozuntu halı qeydə alınmayıb.
2012-ci il parlament seçkiləri (61%) ilə müqayisədə, 2018-ci il prezident seçkilərində seçicilərin sayı az idi. Mərkəzi Seçki Komissiyasına əsasən, seçkilərdə 46,74 faiz (1 milyon 637 min insan) qeydiyyatdan keçmiş seçici iştirak edib. Yəni 53%-dən çoxu seçkilərdə iştirak etməyib. Bunun bir neçə səbəbi var:
- 6 ildir əhalinin əsas sosial və iqtisadi problemlərini həll edə bilməyən iqtidar partiyasına etimadın itməsi;
- hakim partiya tərəfindən dəstəklənən müstəqil namizəd Salome Zurabişvilinin seçicilər arasında populyar olmaması ki, bu da cəmiyyətdə öz sıralarından layiqli namizəd irəli sürmək üçün partiyadaxili resursun olmaması kimi qəbul edilmişdir;
- qeydiyyatda olduğu yerə müvafiq olaraq, səs vermək öhdəliyi - yəni, Batumidə qeydə alınmış Gürcüstan vətəndaşı, ancaq seçki zamanı Tbilisidə olan və öz səsini namizədinə verə bilməyən seçicilər. Belələri on minlərlədir;
- hakimiyyətin bir partiyanın əlində cəmlənməsi və hakimiyyət orqanları və əhali arasında əlaqənin qurulmaması hakimiyyətin şəxsi məlumatlarına əsaslanmağa və s. gətirib çıxardı.
Tbilisidə keçirilən mətbuat konfransında şəhər bələdiyyəsinin başçısı Kaxa Kaladze, "Gürcü arzusu" partiyasının əsas səhvlərindən birinin prezident vəzifəsinə namizədinin olmaması olduğunu deyib. Onun fikrincə, müstəqil namizədin dəstəyi hakim partiyanın tərəfdarlarının sayını ciddi şəkildə azaldıb.
Vasiliy Papava həmçinin qeyd edib: "Yuxarıda qeyd olunanları nəzərə alaraq, bu seçkilərdə qeyd edilən nəticə heç də təəccüblü deyil".
İkinci tur dekabrın əvvəlində baş tutacaq. İqtidar partiyası üçün Salome Zurabişvilinin öz namizədliyini geri çəkməsi çox xoşagəlməz bir sürpriz ola bilər. Kaxa Kaladzenin bəyanatında məhz bu göstərilir.
Bu halda hakimiyyət çox çətin vəziyyətə düşəcək, çünki qısa müddətdə xalq arasında məşhur namizəd tapmaq və onu hazırlamaq çətin məsələdir".
Lanita Qənbərova
