Beynəlxalq Avrasiya Mətbuat Fondunun sədri Umud Mirzəyev “Eurasia Diary”yə müsahibəsində Aİ və Azərbaycan arasında yeni müqavilə üçün danışıqların davam etdirilməsilə bağlı fikir bildirib.
Qeyd edək ki, 14 noyabr 2016-cı ildə Avropa şurası Avropa Komissiyasının xarici işlər üzrə ali nümayəndənin mandatını təsdiq edib və Avropa Birliyi və üzv dövlətlər adından təhlükəsizlik siyasəti üzrə danışıqların aparılması üçün Azərbaycan Respublikasıyla hərtərəfli razılaşmanı imzalayıb.
Yeni müqavilə 1996-ci ildəki müqaviləni əvəz edəcək, Aİ və Azərbaycan maraqlarını hərtərəfli əhatə edəcək.
U. Mirzəyevin dediyinə görə, bu müqavilə Aİ və Azərbaycan arasında danışıqların aparılması üçün yaxşı bir başlanğıcdır. "Bu vəziyyət Aİ və Azərbaycan arasında yüksək səviyyədə inamı göstərir və iki tərəfli əməkdaşlıq münasibətlərini böyütmək istədikləri anlamına gəlir. Bu, bizim münasibətlərimizin yeni bir səhifəsi deməkdir. Yeni razılaşmanın təmin olunması ilə yanaşı bir çox mövzuda daha yaxşı əməkdaşlıq edilməsi sahəsində böyük imkanlar yaradacaq. Həmçinin bu vəziyyət, danışıqlar prosesinə qatılacaq vətəndaş cəmiyyəti nümayəndələri üçün də faydalı olacaq. Təbii ki, bu uzun bir prosesin başlanğıcıdır".
Umud Mirzəyev Azərbaycandakı Aİ Nümayəndə Heyətinin Sədri Malena Mardın gördüyü işləri məmnuniyyətlə qarşıladığını bildirib: "Biz, Malena Mardın işlərini yüksək qiymətləndiririk. O, 2013-ci ildə Aİ Nümayəndə Heyəti Sədri olandan sonra bir çox tədbirdə aktiv şəkildə iştirak etdi, Azərbaycan hökuməti, vətəndaş cəmiyyəti, yerli və beynəlxalq təşkilatlar və QHT-lərlə əlaqələr qurmağı bacardı".
Umud Mirzəyev həmçinin, Azərbaycanın öz ərazisində yaşayan Erməni azlıqlara qarşı ayrı-seçkilik edilməsi iddiasını da cavablandırıb. O, ölkə daxilində 35 min Erməninin tam təhlükəsiz şəraitində yaşadığını söyləyib. "Buna rəğmən, Avropa qurumlarının sənədlərində Ermənistan Ordusunun Dağlıq Qarabağ və ona yaxın 7 rayonu işğal etməsi nəticəsində bir milyon qaçqın və ya məcburi köçkünün rəsmi statusu ilə bağlı heç bir məlumat verilmir. Onlardan bir çoxu öz qohumunu və həyat yoldaşlarını itirib. Təəssüf ki, beynəlxalq təşkilatların bu davranışı Azərbaycanlı qaçqınların hüquqlarının heç bir şey ifadə etmədiyi anlamını verir. Bu da çox üzücü bir faktdır”.
Sonda Umud Mirzəyev, bir daha Aİ və Azərbaycan arasında əlaqələrin yaxşı formada irəliləyəcəyinə inandığını deyib və bu şəkildə yanaşmanın daha yaxşı nəticələr yaradacağını bildirib.
