Rusiyada keçirilən Dünya Çempionatı çərçivəsində G və H qruplarında bu gün növbəti oyunlar baş tutacaq.
İlk oyun günündə saat 16:00-da “Nijni Novqorod” stadionunda İngiltərə və Panama yığmaları qarşılaşacaq. Bu oyuna qədər ingilislər Tunisi 2-1 hesabı ilə məğlub etmişdilər. Panama millisi isə Belçikaya 3-0 hesabı ilə məğlub olmuşdu.
Günün ikinci matçı isə saat 19:00-da “Yekaterinburq Arena”da H qrupunun liderləri – Yaponiya və Seneqal milliləri qarşılaşacaq.
Günə ilk oyunda məğlubiyyətlə üzləşən iki komanda - Polşa və Kolumbiya yığmaları arasında keçiriləcək qarşılaşma ilə yekun vurulacaq.
Bu görüş saat 22:00-da Kazanda keçiriləcək.
***
Oyunun 8-ci dəqiqəsində Con Stons dəqiq baş zərbəsi ilə İngiltərəni önə çıxardı.
***
Harri Keyn penalti zərbəsi ilə komandasının ikinci qolunu vurdu.
***
Linqard, Ston və Keynin qolları ilə İngiltərə millisi fasiləyə 5-0 üstünlüklə yollanıb.
***
İngiltərə millisi Panamaya 6-1 hesabı ilə qalib gəldi.
***
Seneqal millisi S.Manenin 11-ci dəqiqədə vurduğu qolla Yaponiya qarşısında 1-0 önə keçib.
***
Yaponiya yığması T.İnuinin qolu ilə 37-ci dəqiqədə hesabı bərabərləşdirib: 1-1.
***
71-ci dəqiqədə M.Vaque Seneqalı yenidən önə keçirib. 7 dəqiqə sonra isə Honda komandasının bərabərlik qolunu vurub: 2-2.
***
Seneqal-Yaponiya matçı 2-2 bərabərliklə başa çatıb.
***
Kolumbiya Y.Minanın 40-cı dəqiqədə vurduğu qolla Polşa qarşısında önə keçib.
***
Kolumbiya ulduz futbolçusu Radamel Falkaonun qolu ilə 70-ci dəqiqədə hesabı 2-0 edib. Kuadrado 75-ci dəqiqədə Kolumbiyanın 3-cü qolunu vurub.
***
Kolumbiya Polşanı 3-0 məğlub edərək, ilk xallarını qazanıb və növbəti mərhələyə çıxmaq şansını saxlayıb. Polşa isə mundialı tərk edib.