Rusiyada keçirilən futbol üzrə XXI Dünya Çempionatı başa çatıb. Finalda Xorvatiya millisinə 4:2 hesabı ilə qalib gələn Fransa yığması dünya çempionu adını qazanıb.
Fransızlar tarixlərində ikinci dəfə dünya çempionu adını qazanıblar. Buna qədər Fransa millisi 1998-ci ildə keçirilən dünya çempionatının qızıl medalını qazanmışdı. Fransızların baş məşqçisi Didye Deşam isə həm futbolçu (1998-ci cildə qalib gələn komandanın aparıcı oyunçularından iri və kapitanı olub — red.), həm də məşqçi kimi dünya kubokunu başı üzərinə qaldıran üçüncü şəxs olub. Buna qədər anca braziliyalı Mario Zaqallo və əfsanəvi Frans Bekkenbauer buna nail olublar.
***
Oyunun 28-ci dəqiqəsində hesab bərabərləşir. Xorvatların heyətində İvan Perişiç fərqlənir: 1-1
***
Oyunun 19-cu dəqiqəsində hesab açılır. Mandzukuçin avtoqolu sayəsində sevinən tərəf Fransa olur: 1-0
***
Fransa və Xorvatiya arasında dünya çempionatının final matçı başladı.
Komandalar meydana aşağıdakı "11-lik"lə çıxıblar.
Fransa: 1. Uqo Lyoris, 2. Benjamen Pavar, 4. Rafael Varan, 5. Samüel Yumtiti, 6. Pol Poqba, 7. Antuan Qrizmann, 9. Olivye Jiru, 10. Kilian Mbappe, 13. NQolo Kante, 14. Bleyz Matüidi, 21. Lukas Ernandes
Xorvatiya: 23. Daniel Subaşiç, 2. Şime Vrsalko, 3. İvan Striniç, 4. İvan Perişiç, 6. Deyan Lovren, 7. İvan Rakitiç, 10. Luka Modriç, 11. Marselo Brozoviç, 17. Mario Mancukiç, 18. Ante Rebiç, 21. Domaqoy Vida
****
Bu gün Rusiyada keçirilən XXI dünya çempionatına yekun vurulacaq.
Həlledici qarşılaşmada Fransa və Xorvatiya milliləri üz-üzə gələcək. Bu, Xorvatiyanın tarixində ilk finaldır, amma fransızlar iki dəfə bu həyəcanı yaşayıblar.
Hər iki komanda dünya çempionatları tarixində ən yaxşı nəticəsini Fransada keçirilən yarışda qazanıb. Ev sahibi Fransa DÇ-1998-in qalibi, Xorvatiya isə həmin mundialda bürünc medala sahib olub. O zaman bu iki komandanın yarımfinaldakı mübarizəsndən Fransa qalib ayrılmışdı - 2:1.
19:00. Fransa - Xorvatiya
Hakimlər: Nestor Pitanya, Ernan Maydana, Xuan Pablo Belatti (hamısı Argentina), Byörn Kuypers, Ervin Zeinstra (hər ikisi Hollandiya)
Moskva, "Lujniki" stadionu.
***
Bu gün dünya çempionatı sona çatır.
Moskvanın "Lujniki" stadionunda Fransa və Xorvatiya qarşılaşacaqlar. Bu oyunun qalibi dünya kubokunu başı üzərinə qaldıracaq.
Saat 19:00-da başlayacaq qarşılaşam "İctimai" televiziya vasitəsiylə canlı yayımlanacaq.
Artıq final oyununun şərhçiləri də məlumdu. Tanınmış şərhçilər Gündüz Abbaszadə və Tural Dadaşov möhtəşəm finalı azərbaycanlı azarkeşlər üçün şərh edəcəklər.
***
Bakı vaxtı ilə 19:00-da Fransa - Xorvatiya oyunu başlayıb.
Canlı yayımı BURADAN izləyə bilərsiniz.