Bu gecə UEFA Avropa çempionatının seçmə mərhələsi çərçivəsində D, F, və J qruplarının görüşləri keçiriləcək.
Günün maraqla gözlənilən matçı İspaniya və Norveç milliləri arasında baş tutacaq. Mestalyada keçiriləcək qarşılaşmaya maraq böyükdür. Oyunun baş hakimi Latviyadan olan Andres Trimanis olacaq. Bu millilər 6 matçda üz-üzə gəliblər, bunlardan 4 oyunda İspaniya qalib gəlib, 1-də isə Norveç millisi sevinən tərəf olub və 1 oyun bərabərliklə yekunlaşıb.
İtaliya millisi isə öz meydanında Finlandiyanı qəbul edəcək. Rəqiblə baş tutan 13 matçın 11-dən qalib ayrılan və rəqib qapısından 32 top keçirən İtalyanlar oyunun aşkar favoritidir. Matçın baş hakimi Orel Qrinfeld olacaq.
Ümumilikdə bu gün keçiriləcək bütün oyunların cədvəli
D qrupu
Gürcüstan-İsveçrə
Cəbəllütariq-İrlandiya
F qrupu
İsveç-Ruminiya
Malta-Farer Adaları
İspaniya-Norveç
J qrupu
Lixtenşteyn-Yunanıstan
İtaliya-Finlandiya
Bosniya Hersoqovina-Ermənistan