Avro-2020 seçmə mərhələsində qrup oyunları davam edir. A B və H qruplarında keçirilən oyunlarda ilk qarşılaşma erkən baş tutan Türkiyə-Moldova matçı oldu. Oyun Eskişehir stadionunda keçirilirdi və ev sahibi olaraq Türkiyə millisi matçın favoriti idilər.
İlk hissədə iki dəqiqə ərzində vurulan iki qol ilə Türkiyə millisi hissəni öndə başa vurdular. İkinci hissədə Burak Yılmaz təyin olunan penaltini dəqiq yerinə yetirə bilməsə də Cenk Tosun üçüncü qolu vuraraq komandasının üstünlüyünü möhkəmləndirdi. Kaan Ayhan 70-ci dəqiqədə Moldovanın qapısından növbəti qolu keçirərək millinin üstünlüyünü 4 qola çatdırdı. Beləliklə, Türkiyə millisi seçmə mərhələdə növbəti 3 xalını qazanaraq müvəqqəti də olsa qrupda liderliyi ələ keçirdilər.
Keçirilən digər oyunlar arasında azarkeşlərə və dünya mediası üçün önəm kəsb edən matç Fransa-İslandiya milliləri arasında keçirilirdi. İlk ev oyununa çıxan Fransa millisi azarkeşləri qarşısında oyunun ilk hissəsini Samuel Umtitinin vurduğu qolla öndə başa vurub. Ikinci hissədə Fransa millisi Olivye Jirunun qolu ilə yenidən hesabı artırıb. Bu qoldan sonra daha iki dəfə fərqlənən Fransa millisi İslandiyanı darmadağın edib.
A qrupu
Kosovo 1-1 Bolqarıstan
Monteneqro 1-5 İngiltərə
B qrupu
Lüksemburq 1-2 Ukrayna
Portuqaliya 1-1 Serbiya
H qrupu
Türkiyə 4-0 Moldova
Andorra 0-3 Albaniya
Fransa 4-0 İslandiya