Dünən gecə UEFA Avropa Liqasında dörddəbir final oyunlarının cavab görüşləri keçirilib.
Günün ən bol qollu qarşılaşması Londonda qeydə alınıb. "Çelsi"-"Slaviya Praqa" oyununun ilk yarım saatında 5 qol qeydə alınıb. "Çelsi" klubu bu dəqiqələr ərzində rəqib qapısından 4 top keçirib. Çexiya klubu bu qollardan birinə cavab versə də üstündən çox keçməmiş "Çelsi" klubu növbəti dəfə fərqləndi. İkinci hissədə "Slaviya" fəallıq göstərərək hesabı 4-3 edib. Ancaq qonaqların bundan artığına gücü çatmayıb. İki oyunun nəticəsinə əsasən 5-3 hesablı qələbə ingilsləri yarımfinala daşıyıb.
Bu mərhələdə onların rəqibi Almaniyanın "Ayntraxt Frankfurt" klubu olacaq. Möhtəşəm azarkeş dəstəyi altında Alman klubu Portuqaliyada qeydə alınan 2-4 hesablı məğlubiyyətin əvəzini evdə "Benfika"nın qapısından 2 qol keçirərək çıxıb. Nəticədə 4-4 hesablı nəticə səfərdə vurulan qolların üstünlüyü hesabına Almanlar növbəti yarımfinalçı olub.
"Arsenal" isə evdə olduğu kimi səfərdə də qapısından top buraxmayıb. İtaliyadakı oyunda "Napoli"nin qapısına 1 dəfə Aleksandr Lakazet ilə yol tapan qonaqlar yarımfinala yüksəlib. Arsenal 1-0 Napoli (Ümümi hesab 3-0)
"Valensiya" isə Mestalyada "Villarealı" qəbul edib. Lato və Pareyxonun qolları ümumi hesabda yarasalara 5-1 hesablı qələbə gətirib. "Villareal" isə mübarizəni dayandırıb.
UEFA Avropa Liqasında yarımfinala yüksələn komandalar və onların rəqibləri
Çelsi (İngiltərə)-Ayntraxt Frankfurt (Almaniya)
Valensiya (İspaniya)-Arsenal (İngiltərə)
Xatırladaq ki, ilk oyunlar Mayın 2-si keçiriləcək, final matçı isə Mayın 29-da Bakı Olimpiya stadionunda keçiriləcək.