Avropa İttifaqı Şurası Krım və Sevastopol barəsində birtərəfli sanksiyaların müddətini bir il uzadıb.
Qərar Lüksemburqda 28 Avropa İttifaqı ölkəsinin kənd təsərrüfatı və balıqçılıq üzrə nazirlərin görüşündə qəbul edilib.
Sanksiyalar 2014-cü ildə Krımın Rusiya tərəfindən ilhaqından sonra qəbul edilmişdi. Həmin vaxtdan sanksiyalar hər 12 aydan bir uzadılır.
Krım barəsində sanksiyalar yarımadada istehsal olunan istənilən mallarının Avropa İttifaqı ölkələrinə idxalını, həmçinin Krım ərazisində istənilən Avropa investisiyalarını, biznesin maliyyələşdirilməsini və turizm xidmətlərinin göstərilməsini qadağan edir.
Bundan başqa, Krım limanlarına Avropa gəmilərinin girişi və təcili vəziyyətlər istisna olmaqla, təyyarələrin Krımın aeroportlarına enişi qadağan olunub.
Krıma nəqliyyat, telekommunikasiya, energetika, neft çıxarma və neft emal sahəsində mallar və texnologiyaların ixracı qadağan edilib, həmçinin bu sektorlrda istənilən texniki xidmətlərin göstərilməsi Avropa şirkətlərinə qadağandır.