İranda zəlzələ nəticəsində zərərçəkənlərin sayı 287-yə çatıb. Bu haqda Kermanşah əyalətinin qubernatoru Xuşand Bazvanda istinadən "Tasnim" agentliyi bildirib.
"Zəlzələ nəticəsində 287 insan yaralanıb. Zəlzələdən 43 kənd zərər çəkib, 101 bina tamamilə dağılıb", - qubernator deyib.
O həmçinin əlavə edib ki, kəndlərdə və əyalətin şəhərlərində 800-dən çox bina qismən dağılıb. Hazırda təmir işləri aparılır.
***
Bu gün İranın qərbində yerləşən Kermanşah əyalətində baş verən zəlzələ nəticəsində ən azı 128 nəfər xəsarət alıb.
Bu haqda yerli televiziyaya istinadən “Röyters” agentliyi bildirib.
İranda gün ərzində baş verən üçüncü zəlzələnin gücü 5,9 təşkil edib.
***
Bu gün İranın qərbində 5,9 maqnitudalı zəlzələ baş verib.
Zəlzələnin ocağı Kermanşah şəhərindən 76 km qərbdə, İraqın paytaxtı Bağdaddan isə 211 km şimal-qərbdə, 10 km dərilikdə yerləşib.
Zəlzələ nəticəsində Kermanşah əyalətindəki Təzəhabad yaşayış məntəqəsində 20 nəfər xəsarət alıb.
Qeyd edək ki, bu gün İranın cənubunda da 4,6 və 5,4 maqnitudalı zəlzələ olub, dağıntı və tələfat barədə məlumat daxil olmayıb.
***
Bu gün yerli vaxtla səhər saat 09.37 radələrində İranın Xormozqan əyalətindəki Ruydar şəhərində 5,7 bal gücündə zəlzələ olub.
