Eurasia Diary "RT"ə istinadla xəbər verir ki, Vyana məktəblərində şagirdlərin yarısı Alman dilində deyil, öz ana dilində danışır. Onlar dərsdən sonra evlərində və gündəlik fəaliyyətlərində ana dillərindən istifadə edir.

Avstriya hökumətinin miqrantları alman dilinə inteqrasiya etmək cəhdləri suya düşüb. Ümumilikdə Avstriyada şagirdlərin 25%-i gündəlik həyatlarında başqa dildə danışır.

Rəqəmlər məktəblərin növündən asılı olaraq dəyişir. Belə ki, ibtidai siniflərdə bu rəqəm 58%, orta məktəblərdə (10-14 yaş arası) isə 72% təşkil edir.

2015-ci ildən sonra Avropaya miqrant axını gücləndi. Mühacirlərin sayı 2010-cu ildə 1.54 milyon, son ildə isə 1.97 milyon hesab edilir. Bu 8.7 milyonluq Avstriya ölkəsinin əhalisinin 23%-ni təşkil edir.