BMT-nin Uşaq Fondu UNICEF, Ümumdünya Səhiyyə Təşkilatı, BMT-nin Əhali Şöbəsi və Dünya Bankı ilə birgə BMT-nin Uşaq Fondu tərəfindən bazar ertəsi insan ölümləri ilə bağlı yeni statistik hesabat açıqlanıb. Bu barədə Eurasia Diary BMT-nin rəsmi saytına istinadla xəbər verir.

Hesabtda 2017-ci ildə 15 yaşdan aşağı yaşlı uşaqların ölüm sayı 6.3 milyon olduğu qeyd olunur. Bu hər beş saniyəyə bir uşaq ölümü deməkdir

UNICEF-in Tədqiqat Direktoru Laurens Çandi, son 25 ildə  uşaq ölümünün azaldılmasında böyük irəliləyiş əldə edilib, 1990-cı ildən bu yana yarıdan çox azalmasına baxmayaraq, hər il milyonlarla uşaq ölümü davam edir.

5 yaşından az uşaq ölümlərinin yarısı Afrika qitəsinə, üçdə biri isə Cənubi Asiyaya mənsubdur.

Təcili tədbirlər olmasa 56 milyon 5 yaşdan aşağı uşaqlar 2018- 2030-cu il arası zaman ərzində həyatını itirəcək və yarısı yeni doğulan uşaqlar olacaq, lakin "dərman, təmiz su, elektrik və vaksin kimi sadə həllər ilə biz bunu hər bir uşaq üçün dəyişə bilərik”.

5 yaşdan aşağı uşaq ölümlərinin əsas səbəbi müalicə oluna bilən xəstəliklər səbəbindən baş verir. Misal üçün, pnevmaniya, malariya və ya digər xəstəlikləri göstərmək olar.

5 yaşdan 15 yaşa qədər olan yaşlı uşaqlar üçün zədələr, xüsusilə yol qəzaları və boğulmaların daha görkəmli bir səbəbi halına gəlir.

Kənd yerlərində uşaq ölümləri şəhər yerlərindən 50% çox qeydə alınıb. Təhsil də çox önəmli faktor hesab edilir. Çünki, təhsilsiz anaların uşaqlarında ölüm halları təhsilli analara nisbətən iki dəfə daha çox baş verir.