Belarus prezidenti Aleksandr Lukaşenko Kollektiv Təhlükəsizlik Müqaviləsi Təşkilatının (KTMT) baş katibi postuna üç namizədə malikdir.
Eurasia Diary “RİA-Novosti” agentliyinə istinadən xəbər verir ki, bu haqda Belarus lideri bildirib.
“Biz öz namizədimizi təklif etmək üçün hazır olmalıyıq. Məndə bu gün Kollektiv Təhlükəsizlik Müqaviləsi Təşkilatının baş katibi postuna irəli sürüləcək üç namizəd var”, - Lukaşenko deyib.
O qeyd edib ki, KTMT liderlərinin Qazaxıstanda keçirilən sammitində baş katibin təyin edilməsi variantları kütləvi idi.
“Lakin bu, Ermənistanın sıxışdırıldığı, kiminsə qazanması və kiminsə itirdiyi anlamına gəlmir”, - Belarus prezidenti əlavə edib.
Qeyd edək ki, KTMT-nin Astana sammiti Ermənistan üçün uğursuzluqla nəticələndi. Sammitdə həllini tapması gözlənilən məsələlərdən biri yeni baş katibin təyinatı məsələsi idi. Yerevan KTMT-nin ali orqanı olan kollektiv təhlükəsizlik şurasının qərarı ilə vəzifəsindən azad edilən Ermənistanın nümayəndəsi Yuriy Xaçaturovun əvəzinə başqa bir nümayəndəsinin təyin edilməsini istəyirdi.
KTMT-nin prosedur və rotasiya qaydalarına və əlifba sırası ardıcıllığına uyğun olaraq, 2020-ci ilə qədər baş katib vəzifəsini Ermənistan nümayəndəsi daşımalı idi. Yuriy Xaçaturovun vaxtından əvvəl vəzifədən azad edilməsindən sonra Ermənistan baş naziri Nikol Paşinyan 2020-ci ilə qədər baş katib vəzifəsini Ermənistanda saxlamağa çalışsa da, tamamilə uğursuzluqla üzləşdi. Ermənistanın yeni namizədinin təşkilatın baş katibi olmasına icazə verilmədi.
Sammitə ev sahibliyi edən Qazaxıstan prezidenti Nursultan Nazarbayev baş katib məsələsində müəyyən kolliziyanın baş verdiyini qeyd etdi. O, rus dili üzrə əlifba ardıcıllığına görə Ermənistandan sonra növbəti baş katibin Belarusdan olmalı olduğunu bildirdi.
