Erməni Apostol Kilsəsi xristian kilsəsinin parçalanması üçün atılan addımları alqışlaya bilməz.
Eurasia Diary xəbər verir ki, bunu Novosibirskdə jurnalistlərə açıqlamasında erməni katolikosu II Qaregin deyib.
Qeyd edək ki, bundan öncə Konstantinopol Patriarxlığı Ukrayna Pravoslav Kilsəsinə müstəqillik verilməsi haqqında qərar qəbul edib. Konstantinopolun bu addımı Rusiya Pravoslav Kilsəsinin kəskin etirazına səbəb olub. Nəticədə tərəflər arasında böyük konflikt başlayıb. Konstantinopol Patriarxlığı sonra Rusiya Pravoslav Kilsəsini atdığı addımlara diqqət etməyə, əks təqdirdə onunla bağlı tədbir görüləcəyini bildirib.