Tramp - "Fətullah Gülənin ekstradisiyası məsələsi hələlik müzakirə olunmur" | Eurasia Diary - ednews.net

14 Dekabr, Cümə


Tramp - "Fətullah Gülənin ekstradisiyası məsələsi hələlik müzakirə olunmur"

Dünya A- A A+
ABŞ Prezidenti Donald Tramp noyabrın 17-də Fətullah Gülənin Türkiyəyə ekstradisiyasının hələlik müzakirə olunmadığını bildirsə də, sonradan bu məsələyə qayıda biləcəyini istisna etməyib.
 
Eurasia Diary TASS informasiya agentliyinə istinadla xəbər verir ki, Amerika lideri bu barədə Kaliforniyaya səfərindən öncə Ağ evin qarşısında jurnalistlərə bildirib.
 
Türkiyənin NTV telekanalının yaydığı məlumata görə, ABŞ Prezidenti Səudiyyə Ərəbistanına təzyiqi azaltmaq üçün Güləni ölkədən çıxarmaq kimi bir fikirlərinin olmadığını qeyd edib. Ər-Riyadı ticarət və iqtisadi baxımdan Vaşinqtonun yaxın müttəfiqi adlandıran Donald Tramp Prezident Rəcəb Tayyib Ərdoğanla yaxşı anlaşdıqlarını, Türkiyə ilə əlaqələri genişləndirmək istədiklərini vurğulayıb.
 
Xatırladaq ki, Ankara Fətullah Güləni 2016-cı il iyulun 15-də Türkiyədə baş verən dövlət çevrilişi cəhdində təqsirləndirir və onun ekstradisiyasını israrla tələb edir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...