17-19 noyabr tarixində İstanbulda “Fələstindən dünyaya müraciət” konfransı keçirilib. Eurasia Diary-nin verdiyi xəbərə görə, 800 beynəlxalq jurnalist və tələbə kütləvi informasiya vasitələrinin hazırlıq və tanıtım proqramında iştirak etmək, eləcə də xəbərlər sahəsində Fələstinliləri məlumatlandırılmaq məqsədilə bir araya gəlib.
Forumda “Fələstindəki kütləvi informasiya vasitələrində müzakirələrin inkişaf etdirilməsinin hansı mexanizmləri var?”, İsrailin ayrı-seçkiliyinə qarşı durmaq strategiyaları” və “Ərəb dünyasında normallaşmanı müzakirə etmək” kimi bir neçə mövzu müzakirə olunmuşdur.
Eurasia Diary Forumda Fələstinlə bağlı səsləndirilən fikirləri təqdim edir:
Konfransda çıxış edən Anadolu Agentliyinin baş redaktoru Metin Mutanoğlu çıxış edərək bildirib ki, Fələstin problemi humanitar məsələ kimi beynəlxalq ictimaiyyətin diqqətini cəlb etmişdir.
“Hər iki tərəfi dinləməyin vacib olduğunu söyləyənlər var, amma beynəlxalq hüquqda belə tərəflərdən birinin digərinə nisbətən daha çox imtiyaza malik olması mümkündür. Ona görə də, hər iki tərəfin fikri hər zaman gərəkli olmur” deyə Əbu Arkub kütləvi informasiya vasitələrində dərc olunan bəyənatlara münasibətdə bildirib. Fələstinlilərin ağır vəziyyəti ilə bağlı olaraq, onlara eyni efir vaxtı verilməlidir”, deyə kütləvi informasiya vasitələri üzrə araşdırmaçı Ömər Əbu Arkub qeyd edib.
Siyasi icmalçı Malik Əyyub Sumbal isə mətbuatın sionist sözündən istifadə etməkdən niyə bu qədər ehtiyat etdiyini başa düşmədiyini deyib. Onlar Fələstinin işğal edildiyini bilmirlərmi?”, deyə o əlavə edib.
“Fələstin problemi eyni zamanda İsrailin, mənim, bütün bəşəriyyətin və dünyanın problemidir. Filmlərdə Qəzzanın xarabalığa dönmüş yerlərini gördükdə yanmış, yağmalanmış Aşağı Əbdülrəhmanlı və Qarabağın digər kəndləri yadıma düşür. Mən Qarabağ, Fələstin, Əfqanıstan, İraq, Suriya kimi bəşəriyyəti sarsıdan problemləri yaradan böyük gücləri şiddətlə qınayıram”, deyə Beynəlxalq Avrasiya Mətbuat Fondunun Prezidenti Umud Mirzəyev bildirib.
Forum Fələstin mövzusunda yaradıcı layihələrə üç mükafatın verilməsilə başa çatıb. Öldürülən fələstinli sənətkar Naci Əl-Əlinin şərəfinə adlandırılan ilk Yaradıcı Media Mükafatları üçün dörd yüz müraciət edilmişdi. On kiçik əsərlərə tamaşalar, bədii filmlər və bir dəqiqəlik qısa metajlı filmlər daxil idi.
“Kölgələrin müharibəsi” adlı əsər bürünc mükafat aldı, öldürülən fələstinli fotojurnalist Yasər Mürtəza “İki sərhəd keçidi arasında” adlı əsərinə görə gümüş mükafata layiq görüldü və konfrans iştirakçıları tərəfindən ayaq üstə alqışlandı. Mürtəza 6 apreldə Qəzza sektorunda “Qayıdışın möhtəşəm marşı” filmini çəkən zaman öldürülüb.
Qızıl mükafat Dima Əbu Qoşun “İmves: geri dönən xatirələr” filminə verildi.