İsrail ordusu Suriya HHM qüvvələrinə məxsus “Pançir” zenit raket kompleksini məhv edib.
Eurasia Diary xəbər verir ki, İsrail ordusunun Tvitter hesabından kompleksin vurulma anına aid görüntülər paylaşılıb.
“Suriya tərəfi bütün xəbərdarlıqlara baxmayaraq, onlarla “hava-yer” tipli raketlər buraxdı. Cavab olaraq İsrail ordusu da Suriya Silahlı Qüvvələrinin HHM batareyalarına bir neçə zərbə endirib”, - İsrail ordusundan bildirilib.
Qeyd edək ki, İsrail hərbçiləri bu gecə Suriyadakı İran silah anbarları və bir neçə hava hücumundan müdafiə batareyalarına qırıcılardan zərbə endiriblər.