Mərakeş Krallığı Şri Lanka ilə İŞİD həyata keçirdiyi terror aktlarına dair kəşfiyyat məlumatlarının paylaşdığını bildirib. Rəsmi Rabat terrorçuların tapılıb ələ keçirilməsinə yardım edəcək bu məlumatları güclü ikitərəfli əlaqələrə malik olduğu Hindistanla da paylaşdığını əlavə edib.
Hafta.az "Outlookindia"ya istinadən yazır ki, açıqlanan kəşfiyyat məlumatlarından da göründüyü kimi, bu ada ölkəsində 360 nəfərin ölümünə yol açan terror aktlarını həyata keçirən İŞİD, eyni zamanda, Şri Lankanın baş naziri Ranil Wickremesinghe ilə Hindistanın Kolombodakı səfirliyinə də terror hücumu etmək niyyətində olub. O cümlədən 10 hindustun da ölümü ilə nəticələnmiş bomba partlayışını məhz İŞİD törədib.
Məlumatda o da deyilir ki, Şri Lankanın səlahiyyətli nümayəndələri cinayətkarların xaricdəki əlaqələrini və xarici təşkilatların onlarla mümkün əlaqələrinin araşdırıldığını bildiriblər.
Yazıda bildirilir ki, Şimali Afrikada yerləşən, sülhsevər müsəlman ölkəsi olan Mərakeş İslam dünyasında terror və radikalizmə qarşı mübarizədə böyük uğurlar əldə edib. Məsələn, ötən ilin oktyabrında Mərakeşdə yerləşən Hüquq İstintaq Bürosunun (BCİJ) sədri Abdelhaq Xiame, ölkəsinin hüquq mühafizə orqanları tərəfindən müxtəlif vaxtlarda həyata keçirilən əməliyyatlar nəticəsində "361 dağıdıcı terror layihəsi" planlaşdıran "183 terror hücrəsini" zərərsizləşdirdiyini açıqlayıb. Bu proses çərçivəsində 292 nəfəri keçmiş məhkumlar olan ümumilikdə 3 mindən çox adam həps edilib.
Məqalədə qeyd edilir ki, Mərakeşlə Hindistan arasında terrorla mübarizə sahəsində əməkdaşlığa dair müqavilə mövcuddur. Bildirilir ki, ötən il Dehliyə səfəri zamanı Mərakeşin Ədliyyə naziri Mohamed Auajjar "Economic Times"ə verdiyi müsahibəsində, "Mərakeş dünya miqyasında terrorla mübarizə sahəsində güclü imkanlara sahibdir" deyib. Onun sözlərinə görə, Rabat böyük ölkələrlə terrorla mübarizə müstəvisində ikitərəfli əməkdaşlıq edir. Ona görə də Mərakeş tərəfi Hindistanla geniş əlaqələri nəzərə alaraq terrorla mübarizədə əməkdaşlığı daha da gücləndirmək məqsədilə Dehli ilə saziş imzalamağa qərar verib.
Nazir Mohamed Auajjar eyni zamanda, Mərakeş kralının sözlərini təkrarlayaraq İslamın terrora və yoxsulluğa qarşı olduğunu bildirib. Nazir ölkəsinin radikallaşmaya qarşı atdığı addımlarının dünya birliyi tərəfindən alqışla qarşılandığını vurğulayıb. O deyib ki, hazırda üç fərqli formada çoxyönümlü terrorla mübarizə strategiyası həyata keçirirlər. BUnlar kəşfiyyat məlumatları toplama, sosial-iqtisadi islahatlar və dini məktəblərin yenilənməsidirdir.
"Mərakeş yaxın keçmişdə Fransa, İspaniya və Belçika kimi dost ölkələrlə kəşfiyyat məlumatlarını paylaşıb. Hindistanla kenişlənən münasibətlər müstəvisində ötən il iki ölkə arasında qarşılıqlı olaraq 10 nazir səviyyəsində səfər həyata keçirilib. Bu da Rabatla Dehli arasında kəşfiyyat məlumatlarının paylaşılması kimi əməkdaşlığın başlanmasına zərurət yaradır" nazirin açıqlamasında deyilir.