İngiltərədə yerli seçkilərdə böyük itki ilə üzləşən baş nazir Rishi Sunak, ümumi seçkilərə aylar qalmış hələ də seçicilərin gözündə qazanc əldə edə biləcəyini müdafiə etdi.

Ednews bbcnews-a istinadən xəbər verir ki, Sunak hakim partiyanın itkiləri tam aydınlaşdıqdan sonra verdiyi ilk mesajda “ciddi məyusluq” keçirdiyini etiraf edib.

Cümə axşamı 107 bələdiyyə üzrə keçirilən seçkilərin nəticələri açıqlanıb.

Müvafiq olaraq, Leyboristlər Partiyası 186 əlavə yerlə parlament üzvlüyünü 1158-ə yüksəltdiyi halda, Mühafizəkarlar Partiyası 474 yer itirərək 515-ə düşüb.

Liberal Demokratlar və Yaşıllar yerli seçkilərdə də əhəmiyyətli qazanc əldə etdilər ki, bu da ümumi seçkilər üçün böyük bir işarə idi.

"Times" qəzetinə seçkilərdəki məğlubiyyəti ilə bağlı danışan Sunak, "İngiltərə ictimaiyyətinə onların xeyrinə işlər gördüklərini göstərməkdə qərarlı olduğunu" söylədi.

Partiyasının çoxluğunu itirmək yolunda olduğunu ilk dəfə etiraf edən Rishi Sunak, Leyboristlərin ümumi seçkilərdə ən böyük partiya ola biləcəyini qəbul etdi.

Sunak həmçinin yerli seçkilərin heç bir partiyanın səs çoxluğu əldə etməyəcəyi ümumi seçki nəticəsinin əlaməti olduğunu müdafiə edib.

İngiltərədə ən geci dekabr ayında keçiriləcək ümumi seçkidə parlament çoxluğu üçün 329 deputat lazımdır.

Ölkədə keçirilən son ümumi seçkilərdə Boris Consonun rəhbərlik etdiyi Mühafizəkarlar Partiyası 365 yer qazanıb. İşçi Partiyası 203-də qalıb.

Ancaq 2019-cu ildəki bu seçkidən təxminən 2,5 il sonra Baş nazir Conson istefa verməli oldu. Onun varisi Liz Truss, onun iqtisadi siyasəti böyük böhrana səbəb olduqdan sonra 45 gün ərzində istefa verdi və vəzifəni indiki Baş nazir Sunak-a təhvil verdi.

Xəyal Ramiz