Donald Tramp müasir ABŞ tarixinin ən zəngin administrasiyasını qurmuş prezidentdir. Belə ki, o, yüksək vəzifələri multimilyonerlərə və adı Forbes jurnalının siyahısında olan iki milyarderə həvalə edib.
Həmin şəxslərin siyasətçilərin maliyyələşdirilməsində daha böyük təcrübəsi var, nəinki dövlət institutlarının idarə edilməsində.
Onların arasında 'iflas kralı' ləqəbli ticarət naziri, Rotştild metodu ilə 2,5 milyard vəsait əldə etmiş Uilbur Ross da yer alır.
Ümumiyyətlə yüksək vəzifəyə milyonerin təyin edilməsi ənənəsi ABŞ-da çoxdan var. Üç müxtəlif administrasiyada maliyyə naziri vəzifəsini tutmuş Endryu Mellon XX əsrin ən varlı amerikanlarından biri olub.
Eyzenhauerin kabineti “doqquz milyoner və bir santexnik”dən ibarət idi. Mellonu isə Uorren Qardinq təyin etmişdi. O, səs küylü 20-ci illər və böyük depresiya zamanı ABŞ iqtisadiyyatının idarə edilməsində köməklik göstərmişdi.
Onun xidmətlərindən biri də 1920-ci illərdə uğur qazanmış və Trampın hazırki iqtisadi proqramının tərkib hissəsinə çevrilmiş vergi siyasətinin ilkin versiyasınının inkişaf etdirilməsi olmuşdu. Ona aid ideyaların biri də hökumətin iqtisadi artımını sürətləndirmək məqsədilə vergiləri azaldaraq federal büdcənin gəlirlərini artırmaq idi.
İndi isə aralarında yahudilərin də çoxluq təşkil etdiyi administrasiya milyonerlərinin siyahısına baxaq:
Hal-hazırda bu siyahıda ən zəngin adam Ticarət naziri Uilbur Rossdur. “Forbes”a görə onun sərvəti 2,9 milyard dollardır. Uğursuz əməliyyatlardan belə gəlir götürməyi bacaran Ross 90-cı illərdə Trampın Tac Mahal qumarxanasını iflas yolundan geri qaytarıb.
Ticarət nazirinin müavini Todd Ricketts, Forbes'a görə, gündə 400 minlik əməliyyat aparan bir ailənin üzvüdür. Ailənin ümumi sərvəti təxminən 5.3 milyard dollardır. Həmçinin, o, Chicago Cubs beyzbol klubunun sahiblərindən biridir.
Betsy DeVos, təhsil naziri vəzifəsini daşıyır. “Amway”in qurucularından biri olan Richard DeVosun gəlini Betsy DeVosun sərvəti 5.1 milyard dollardır. DeVosun qardaşı Erik Prince ise İraq savaşında adı tez-tez hallanan, üzərinə ən vacib öhdəliklər qoyulmuş özəl bir təhlükəsizlik şirkəti "Blackwater"in qurucusudur.
Nəqliyyat naziri Elaine Chao, isə dənizçilik sahəsində nüfuzlu bir şəxsin qızıdır. News Corp, Wells Fargo, Ingersoll Rand ve Vulcan Materials kimi firmaların idarə heyətinin də üzvü olmuş 1 milyon dollardan çox qazancı olan Chao, Bush kabinetinin üzvü olub. OpenSecrets.org'a görə sərvəti 22 milyon dollar olan Senator Mitch McConnell ilə evlidir.
ABŞ-ın Birləşmiş Millətlər Təşkilatında səfiri Nikki Haley isə 2012-ci ildə təkcə tərcümeyi-halından yarım milyon dollar qazanan bir şəxsdir. Onun özü və əri Michael, Cənubi Karolina milli qvardiyasının üzvüdür.
Maliyyə naziri Steven Mnuchin, Yale-dən məzun olduqdan sonra "Goldman Sachs'da atasının davamçısı kimi çalışdı. 2002-ci ildə ordan ayrıldı və ona çatan payın hazırda dəyəri 46 milyon dollardır. Özünün hedge - fondunu quran və Hollywood filmlərini maliyyələşdirən Mnuchin'in, IndyMac adlı bankı mortgage böhranı zamanı ziyan çəkdi və ABŞ rəhbərliyi tərəfindən xilas edildi. Bundan başqa Trampın seçki kampanyasının əsas maliyyəçisi olub.
Səhiyyə naziri Tom Price, Obamacare'ə kəskin şəkildə qarşı çıxmış ortopediya cərrahıdır. Altı dəfə konqresin respublikaçı üzvü seçilmiş Price'in sərvəti təxminən 13.6 milyon dollardır.
Bu siyahıya kürəkəni və daşınmaz əmlak maqnatı Baş müşavir Jared Kushner və Trampın seçki kampaniyasının rəhbəri olmuş Strategiya rəhbəri Steve Bannon da daxildirlər.
Kibertəhlükəsizlik üzrə müşavir Rudy Giulianinin adı da biznes aləmində məhşurdur.
Seçki kompaniyası dövründə varlı elit təbəqəni korrupsiya sistemindən istifadə etməyi bacaran autsayderlər adlandıran Tramp məhz belə insanların mövcud sistemi işçi sinfinin maraqlarına uyğun dəyişəcəyini bəyan etmişdi. O, eləcə də yüksək gəlirli işləri itirən amerikanlara kömək edəcəyini demişdi. Dyuk Universitetinin politoloqu Nikolas Karnes hesab edir ki, belə şəxslər dövlət vəzifələrini tutduqdan sonra yalnız varlı təbəqəyə yardım edir. Tədqiqatlar göstərir ki, çoxlu sayda milyoner dövlət başında durarsa onların yürütdüyü siyasət yerdə qalan əhalinin hesabına milyonerlərə yardım etməkdən ibarət olur”.
Donald Trampın öz ailə üzvlərini yüksək vəzifələrə təyin etməsi ona qarşı olan narazılıqların səbəblərindən biri idi. Qeyd edək ki, ABŞ-da 1967-cu ildə prezidentin öz ailə üzvlərini vəzifəyə təyin etməsini əngəlləyən qanun qəbul edilib. Prezident Bill Clintonun 1993–cu ildə səhiyyədə reformlarla bağlı qurduğu işçi qrupunun başına dövrün First Lady'si həyat yoldaşı Hillary Clintonu gətirməyi də o zaman mübahisə yaratmıştı. Lakin ABŞ tarixində bu cür hallara daha əvvəl də rast gəlinsə də bu ölçüdə ilk dəfə müşahidə olunur.