Moskva – Kreml mitinqlərdə anti-Rusiya şüarlarından qaçındırmağa çalışır. İrəvan Moskvanın hərbi və iqtisadi yardımına möhtacdır və Ermənistanda baş verən bu “rəngli inqilab”ın Moskvaya heç bir təhlükəsi olmamasına çalışılır.
Keçən günlər ərzində Moskva 2006-cı ildən indiyədək Ermənistanda prezident vəzifəsini icra etmiş və bu il 10 günlük baş nazir vəzifəsinə keçmiş Serj Sarkisyanın istefası ilə nəticələnən inqilablar hələ də bitib tükənmək bilmir və siyasi böhrana səbəb olub.
Xarici İşlər Naziri Sergey Lavrovun başçılıq etdiyi Ermənistan rəsmiləri Moskvada qarşılandı və müzakirələrə başlanıldı. Ermənistanda yaranmış böhran həmçinin Cənubi Qafqazda sabitliyin pozulmasıdır.
Mövcud vəziyyət onu göstərir ki, sonunda iqtidara kim gəlmiş olursa-olsun, mütləq Rusiya ilə bağları olan, onu dinləyəcək şəxs olmalıdır.
Ermənistanın əsas problemi təhlükəsizlikdir və Azərbaycanla ciddi qarşılıqlı münaqişə şəraitindədir. Dağlıq Qarabağ məsələsi həll olunmadığı müddətdə Ermənistan Rusiyadan davamlı asılı olacaq. Deyə bilərik ki, Dağlıq Qarabağ məsələsinin yaxın vaxtda həll olunmasını gözləmək yanlışdır. Azərbaycan və Ermənistan arasında Dağlıq Qarabağ onilliklərdir ki, münaqişəli zona olaraq qalmaqdadır. Dağlıq Qarabağ Azərbaycanın beynəlxalq hissəsi kimi tanınır, separatçı Ermənistan isə bu ərazi iddialarından əl çəkmir. Qarabağda sərhəd boyu cəbhə xəttində daimi atəşkəs pozulması davam edir. Hal-hazırda Azərbaycan yetəri qədər üstünlüyə malikdir, hətta Ermənistanda yaranmış şəraitdən istifadə edərək hücuma keçə bilər, bu da Ermənistan üçün böyük risk deməkdir və bu səbəbdəndə Moskva tez bir zamanda Ermənistanda müəyyən qədər sabitliyi bərpa etməyə tələsir.
Əslində, baş verən hadisələri Moskvanın qurduğu “demokratiya ssenari”si kimi ifadə edə bilərik. Lakin görünüşə görə bu heç də istədikləri kimi getmir.
Ermənistan - Serj Sarkisyanın uzun çəkən mitinqlərin ardından istefa verməsini təmin edən etirazların lideri Nikol Paşinyan, parlament seçkilərində bugün səs veriləcək tək namizəd olaraq qatılır. Hal-hazırda Ermənistanda “rəngli inqilablar” dövrü yaşanır. Və bu ərazidə ABŞ – Rusiya qarşıdurması nəzərə çarpır. Nikol Paşinyanda tipik amerikan inqilabları nəticəsində hakimiyyətə gətirilən şəxs tipi var. Bu hadisələri daha çox ABŞ-ın müdaxiləsi kimi qiymətləndirə bilərik: irqçi, özündən razı birinin hakimiyyətə gətirilməsinə çalışılması... Lakin o hakimiyyətə gəlmiş olsa belə yenə də Rusiya ilə münasibətləri saxlayacaq. Paşinyanı Baş nazir olaraq seçərlərsə erməniləri daha pis günlər gözləyir.
Sevda Məmmədova,
Qərbi Kaspi Universitetinin Tətbiqi Politologiya Mərkəzinin eksperti
