Tarixdə maraqlı və qeyri-ciddi səbəblərdən başlamış müharibələr az deyil. "Eurasia Diary" onların içərisində olan ən maraqlılarını təqdim edir:
EurasiaDiary © MÜTLƏQ hiperlinklə istinad olunmalıdır
1. Tarixin ən qısa müharibəsi olan Anqlo – Zənzibar müharibəsi 38 dəqiqə davam edib.
17 avqust, 1896-cı ildə Birləşmiş Krallıq və Zənzibar arasında müharibə başlayır və 38 dəqiqədən sonra başa çatır.
Müharibənin başlamasına səbəb, Britaniya yönümlü Sultan Hamad bin Tuvainin öldürülməsi və Sultan Xalid bin Barqhaşın hakimiyyəti ələ keçirməsi idi. Müharibədə 500 Xalid tərəfdarı öldürülmüş, bir britaniyalı dənizçi yaralanmışdı. Müharibədən sonra Sultan Xalid Şərqi Afrikaya qaçmazdan öncə Almaniyadan siyasi sığınacaq istəyib. Sultan Hamud qeyri-formal hökümətin başına keçir. Bununla da Zənzibar sultanlığına son qoyulur.
2. Donuz müharibəsi:
Müharibə 1859-cu ildə ABŞ və Britaniya hakimiyyətinin sərhəddi olan San Xuan adalarında bir donuzun öldürülməsi nəticəsində başlamışdı. Müharibə zamanı yeganə itki donuzun ölümü idi və bu müharibə ABŞ tarixinə qansız müharibə kimi daxil olub.
Müharibəyə "Donuz və kartof müharibəsi" də deyirlər. ABŞ və Böyük Britaniya sərhədləri müəyyən edə bilmirdilər. 1846-cı il 15 iyunda Oreqan müqaviləsi sərhədləri təyin etmişdir. 1856-cö ildə oreqan müqaviləsinin şərtlərinə uyğun olaraq amerikalı fermer San-Xua adasında yaşayır. Bir dəfə o bostanında bir qara donuzun eşələndiyini və kartof sahəsini yediyini görür. Bu hadisə bir neçə dəfə təkrarlanır, fermer donuzu güllələyir. Donuz irlandiyalı fermerə məxsus imiş. Onun fermasında daha bir neçə donuz varmış. O donuzları sərbəst buraxırmış. İki fermer arasında mübahisə yaranır. Amerikalı fermer vurduğu donuza görə, irlandiyalı fermerə kompensasiya üçün 10 dollar təklif edir, amma irlandiyalı bununla razılaşmır, 100 dollar istəyir. Amerikalı fermer kompensasiya verməkdən imtina edir. Britaniya nümayəndələri onu həbs etməklə hədələyirlər. Amerikalı fermer isə bu mübahisəyə görə öz dövlətinə müraciət edir. Beləcə iki dövlət arasında konflikt yaşanır. 1872-ci ildə müharibə Amerikanın xeyrinə həll edilir.
3. 335 il davam edən itkisiz müharibə:
Bu müharibə Niderland və İngiltərə arasında Siliya adası uğrunda baş verib.
335 il davam edən müharibədə bir dəfə də olsun güllə atılmamış və heç bir itki haqda məlumat verilməmişdi. Müharibə 1986-cı ildə imzalanan sülh sazişindən sonra sona çatmışdı.
4. Emu müharibəsi:
Emu müharibəsi Avstraliya ordusu və emu dəvəquşuları arasında 1932-ci ildə başlayan və bir həftə davam edən müharibədir.
Avstraliyanın qərbində sayları həddindən çox olan emular yaşayırdılar. Emular fermerlərin təsərrüfat sahələrinə ciddi ziyan vururdular. Ərzaq və su qıtlığına səbəb olan emulara qarşı Avstraliya hökuməti müharibə elan edir. Müharibə zamanı hər bir əsgər iki pulemyotla silahlanır və 20.000 emu öldürülür.
5. Futbol müharibəsi:
"100 saatlıq müharibə” adıyla tanınan müharibə 1969-cu ildə El-salvador və Honduras arasında baş verib və 5 gün davam edib.
Müharibənin səbəbi iki ölkə arasındakı siyasi konfliktlər və immiqrasiya problemləri ilə bağlı idi. Konflikt 1970-ci ildə FİFA Dünya Kubokunun Şimali Amerika ikinci seçmə mərhələsi zamanı başlamışdı. El-Salvador ordusu 1969-cu ilin iyulun 14-də Honduras üzərinə hücuma keçib. Amerika Dövlətləri Təşkilatı iyulun 20-də iki ölkə arasında sülhün bərqərar olmasına nail ola bilib.
"Eurasia Diary"