Türkiyəli uşaqlar xilas oldu (188 nəfər) - Bəs azərbaycanlıların taleyi necə olacaq? | Eurasia Diary - ednews.net

24 Avqust, Şənbə


Türkiyəli uşaqlar xilas oldu (188 nəfər) - Bəs azərbaycanlıların taleyi necə olacaq?

Analitik Mərkəz A- A A+

İraq höküməti ailələri İŞİD terror təşkilatına üzv olan 188 uşağın Türkiyəyə geri qaytarıldığını açıqlayıb.

 

Uşaqların geri qaytarılması İraq, Türkiyə və UNİCEF-in təmsilçilərinin iştirakı ilə baş tutduğu bildirilib.

 

Qeyd edək ki, İraqın Telafer bölgəsinin 2017-ci ilin avqust ayında İŞİD-dən geri alınmasından sonra xarici ölkə vətəndaşı olan və içərisində azərbaycanlıların da olduğu 700 minə yaxın qadın və uşaq İraq silahlı qüvvələrinə təslim olmuşdu.

 

Təslim olan şəxsləri İraq məhkəməsi İŞİD-in ailə üavləri olaraq adlandırmışdı.

 

Qadınların böyük bir qismi İŞİD terror təşkilatına üzv olduğuna və terror qruplarına yardım etdiklərinə görə həbs edilmiş, İraq ərazilərinin tamamilə İŞİD-in nəzarətindən azad edilməsindən sonra onların məhkəmə prosesi başlamışdı.

 

Bu ilin mart ayında İnsan Haqları Müşahidə Təşkilatı İraqda təxminən 500 uşağın İŞİD-lə bağlantısı olduğuna görə həbsxanalarda yaşadığını bildirmişdi.

 

İraq 328 qadın və 600-a yaxın uşağın türk vətəndaşı olduğunu açıqladıqdan dərhal sonra Türk hökuməti sözügedən uşaq və qadınların geri qaytarılması üçün fəaliyyətə başlamışdı.

 

Sonuncu dəfə 30 aprel tarixində Tacikistan hökuməti 84 uşağı İraq hökümətindən təhvil alaraq vətənə qaytarmışdı.

 

Qeyd edək ki, əldə etdiyimiz məlumata görə onlarla azərbaycanlı qadın və uşaq hələ də İraq həbsxanalarında saxlanılır. Bu barədə Azərbaycan Respublikası Xarici İşlər Nazirliyinin mətbuat katibi Leyla Abdullayeva saytımıza verdiyi açıqlamada qeyd edib ki, İraq həbsxanalarında saxlanılan azərbaycanlı uşaqların geri qaytarılması üçün nazirlik mütamadi olaraq çalışır.  Bu il ərzində 20 uşaq Azərbaycana gətirilib. Digər uşaqların da geri qaytarılması üçün işlər görülür.

leyla abdullayeva ile ilgili görsel sonucu

 

Nicat İsmayılov

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...