Ordumuz 3 ayda 4 şəhid verib - Quşçu Ayrımdan gələn TƏHLÜKƏ | Eurasia Diary - ednews.net

29 May, Cümə


Ordumuz 3 ayda 4 şəhid verib - Quşçu Ayrımdan gələn TƏHLÜKƏ

Analitika A- A A+

Ötən gün, 2020-ci ilin 5 mart tarixində saat 19:10 radələrində Ermənistan silahlı qüvvələrinin bölmələri tərəfindən Azərbaycan-Ermənistan dövlət sərhədindəki təmas xəttində atəşkəs rejimi kobud surətdə pozulub.

Düşmən snayperi tərəfindən açılan atəş nəticəsində Qazax rayonunun Quşçu Ayrım kəndi yaxınlığındakı sərhəd döyüş məntəqəsində xidmətdə olan sərhədçi əsgər Orxan Nazim oğlu Paşazadə yaralanıb, dərhal Qazax rayonunun diaqnostika mərkəzinə təxliyə edilsə də, həyatını xilas etmək mümkün olmayıb.

Orxan Nazim oğlu Paşazadə ile ilgili görsel sonucu

2020-ci ilin 24 fevral tarixində saat 07:00 radələrində Ermənistan silahlı qüvvələrinin Noyemberyan rayonunun Koti kəndi yaxınlığında yerləşən bölmələrindən Qazax rayo­nunun Quşçu Ayrım kəndi istiqa­mətin­dəki sərhəd döyüş məntə­qəsinə diversiya cəhdinin qarşısı alınmış, ciddi itkilər verməyə məcbur olmuş düşmənin bir zabiti ağır yaralanmış, digər hərbi qulluqçusu öldürülmüşdür.Düşmənin diversiya qrupunun qumbaraatan və digər iriçaplı silahların tətbiqi ilə baş verən təxribatının qarşısı alınarkən sərhədçi əsgər Vəliyev İbrahim Ələmşah oğlu qəhrəmancasına şəhid olmuşdur.

Vəliyev İbrahim Ələmşah oğlu ile ilgili görsel sonucu

2020-ci ilin 15 fevral tarixində Ermənistan silahlı qüvvələrinin bölmələri cəbhə xəttində atəşkəs rejimini kobud surətdə pozmaqla növbəti dəfə təxribat törədib. Düşmən tərəfindən açılan atəş nəticəsində Azərbaycan Ordusunun hərbi qulluqçusu Ələsgərov Seymur Eldar oğlu şəhid olub.

Ələsgərov Seymur Eldar oğlu ile ilgili görsel sonucu

2020-ci ilin 7 yanvar tarixində saat 14:56 radələrində Qazax rayonunun Quşçu Ayrım kəndi istiqamətində düşmən snayperindən açılan atəş nəticəsində Fərzəliyev Fərzəli Əlimürsəl oğlu şəhid olub.

Fərzəliyev Fərzəli Əlimürsəl oğlu ile ilgili görsel sonucu

Beləliklə, rəsmi məlumatlara əsasən 2020-ci ilin ilk 3 ayında ordumuz 4 şəhid verib. Düşmən tərəfin itkisi bizi bir o qədər də maraqlandırmadığından Ermənistan ordusundakı itkilər barədə araşdırma aparmadıq. Belə ki, bir Azərbaycan əsgərinin həyatına bütün ermənistan ordusunun leşi tay deyil!

2019-cu ildə isə Xəzər Hərbi Tədqiqatlar insitutundan verilən məlumata görə 46 hərbi qulluqçumuz həlak olub. Bunlardan 9-u döyüş şəraitində, Ermənistan ordusunun təxribatları nəticəsində şəhid olub.

2020-ci ilin ilk 3 ayında şəhid olan 4 hərbi qulluqçumuzun 3-ü də məhz Azərbaycan-Ermənistan dövlət sərhəddində öldürülüb, ikisi snayper atəşi nəticəsində, biri isə düşmən təxribatının qarşısını alarkən şəhid olub. Son iki ildə Azərbaycan-Ermənistan dövlət sərhədində, xüsusilə də Quşçu Ayrım istiqamətində düşmənin hərbi aktivliyi xeyli artıb. Sözügedən istiqamətdə erməni hərbi birləşmələrinin daha yüksək mövqelərdə yerləşməsi erməni snayperləri üçün münbit şərait yaradır. Normal bir dövlət üçün başqa dövlətin sərhədçiləri tərəfindən öz əsgərinin öldürülməsi müharibə səbəbidir. Əgər bir dövlət düşmənlə sərhəddə, eyni istiqamətdə, düşmən təxribatları nəticəsində ardıcıl şəhidlər verirsə, bu zaman təhlükəsizlik şurası toplanmalı, sözügedən ərazinin strateji əhəmiyyəti və bu istimqamətdəki düşmən postların mövqeyi araşdırılıb müzakirə edilməli, bir taktiki əməliyyat planı hazırlanmalı və bu plan üzrə minimum itki ilə ərazi düşməndən təmizlənib, iki dövlətin sərhəddində təhlükəsizlik koridoru yaradılmalıdır. Əks təqdirdə, düşmənə layiqli cavab verilməsə itkilərimizin sayı daha da arta, hətta postlarımız erməni hərbiçilərinin nəzarətinə düşə bilər”. Lakin Azərbaycanda belə bir ideyanı dilə gətirdiyin zaman özünü ikinci dünya müharibəsi qəhrəmanı kimi aparan boşboğazlar çıxıb “sən elə bilirsən ki, düşmən postu götürmək asan işdir?!” deməyə başlayırlar. Diqqət edin, Ermənistan torpaqlarımızın 20%-dən çoxunu işğal etməyə başlayarkən biz onlardan təxmini sayca 3 dəfə çox, ərazicə böyük, maddi cəhətdən xeyli üstün idik. Lakin adamlar torpaqlarımızı işğal edib bizə qarşı soyqırım təşkil etməyi qərara alanda onlardan heç kim durub demədi ki, “ara türklərin torpağını işğal etmək asan iş deyil”. Və bacardılar...

Qonşuluğumuzdakı dövlətlərsə, öz milli maraqlarını qorumaq üçün regionda hərbi aktivliyini durmadan artırır.

Hazırda Türkiyə 4 mindən çox əsgəriylə Suriyanın şimalında və İdlib ətrafındadır. Üstəlik, bu ərazidən çıxmamaq üçün Rusiya kimi bir böyük gücə dirənir. Cənub qonşumuz İran “Ərəb Baharı”ndan sonra bütün müsəlman coğrafiyasına epidemiya kimi yayılıb. Suriyada, Fələstində, İraqda, Bəhreyndə, Livanda və Yəməndə həm ideoloji, həm də hərbi varlığını davam etdirən İran dünya supergücü ABŞ-a dirənir. Bəli, deyəcəksiniz ki, biz İran və Türkiyə qədər güclü deyilik, lakin mübarizə apardığımız qüvvə də ABŞ və ya Rusiya deyil ki, Qarabağda hərbi varlığını günü-gündən artıran Ermənistandır. Bəs biz nəyi gözləyirik? Ermənilərin Quşçu Ayrımı da işğal etməsinimi?

Nicat İsmayılov

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...